Anuncio de aprobación definitiva do estudo de detalle referido ás parcelas con referencias catastrais 32076A00100151, 32076A00100149 e 32076A00100148 do núcleo da Farixa, co obxecto de reaxustar aliñacións, o que se publica para os efectos dos artigos 82 da Lei 2/2016, do 10 de febreiro, do solo de Galicia, e 199 do seu regulamento.
O Pleno da Corporación, en sesión ordinaria que tivo lugar o día 3 de abril de 2019, adoptou o seguinte acordo:
Primeiro. Aprobar definitivamente o estudo de detalle referido ás parcelas con referencias catastrais núm. 32076A00100151, 32076A00100149 e 32076A00100148 do núcleo da Farixa que desenvolve as determinacións e previsións do plan co obxecto de reaxustar as aliñacións na fronte das parcelas para que a instalación de bombeo existente se manteña en terreos de propiedade municipal pertencentes á vía pública, redactado polo equipo técnico de Catoure, S.L., quedando extinguida a suspensión de licenzas.
Segundo. Publicar o Acordo de aprobación definitiva no Diario Oficial de Galicia e o texto dos documentos que o integran, así como o índice de planos do estudo de detalle no Boletín Oficial da provincia.
Terceiro. Notificar o presente acordo aos propietarios e demais interesados directamente afectados polo estudo de detalle.
Cuarto. Comunicar á consellería competente en materia de urbanismo da aprobación de estudo de detalle, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro de Plan Urbanístico de Galicia.
Quinto. Facultar o alcalde para subscribir e asinar toda clase de documentos e en xeral para todo o relacionado con este asunto.
Contra o presente acordo interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contado desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.
San Cibrao das Viñas, 26 de abril de 2019
Manuel Pedro Fernández Moreiras
Alcalde