A Secretaría Xeral da Igualdade convocou para o ano 2019, a través da Resolución do 28 de decembro de 2018 (DOG número 28, do 8 de febreiro), subvencións destinadas ás entidades locais da Comunidade Autónoma de Galicia para a promoción da igualdade a través dos seguintes programas:
a) Programa de fomento da conciliación da vida persoal, laboral e familiar (SI435B).
b) Programa de promoción da igualdade entre mulleres e homes e de prevención e tratamento da violencia de xénero (SI435A).
c) Programa de apoio aos centros de información ás mulleres (SI427B).
d) Programa de sensibilización, información e difusión sobre igualdade e prevención da violencia contra as mulleres (SI435C).
O artigo 11 da Resolución do 28 de decembro de 2018, que establece o prazo e a forma de presentación das solicitudes, indica que a presentación das solicitudes se realizará obrigatoriamente por medios electrónicos a través do formulario normalizado dispoñible na sede electrónica da Xunta de Galicia. Así mesmo, no artigo 12 determínase a documentación que se xuntará ao anexo da solicitude.
Unha vez revisadas as solicitudes presentadas ao abeiro da dita resolución de convocatoria pola unidade administrativa encargada da tramitación e a instrución dos procedementos, identificáronse aquelas que non reúnen a documentación necesaria, ben por non tela presentado, ben por conter erros, ou ben por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.
De conformidade co previsto no artigo 20.5 da Lei 9/2007, do 13 de xuño, de subvencións de Galicia, e no artigo 68 da Lei 39/2015, do 1 de outubro, do procedemento administrativo común das administracións públicas, o artigo 14 da citada resolución de convocatoria establece que, se a solicitude non está debidamente cuberta ou non se presenta a documentación exixida, requirirase a entidade solicitante para que nun prazo de dez (10) días hábiles emende a falta ou achegue os documentos preceptivos, coa advertencia de que, de non o facer, se considerará que desistiu da súa solicitude, logo da correspondente resolución.
Así mesmo, o segundo parágrafo do artigo 14.1 da Resolución do 28 de decembro de 2018 establece que, por tratarse dun procedemento de concorrencia competitiva, de conformidade co establecido no artigo 45 da indicada Lei 39/2015, do 1 de outubro, os requirimentos de emenda faranse mediante publicación no Diario Oficial de Galicia, a cal producirá os mesmos efectos da notificación. Así mesmo, os requirimentos tamén se publicarán na páxina web da Secretaría Xeral da Igualdade.
Polo exposto,
DISPOÑO:
1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras. Esta relación figura como anexo desta resolución (anexo: requirimentos de emenda de documentación, SI435B, SI435A, SI427B e SI435C).
2. Facer indicación expresa a todas as entidades solicitantes que figuran no anexo desta resolución de que son requiridas para que no prazo de dez (10) días hábiles, contados a partir do día seguinte ao da publicación desta resolución no DOG, emenden a falta ou acheguen os documentos preceptivos conforme se establece nesta resolución, coa advertencia de que, de non o facer, se darán por desistidas da súa solicitude, de acordo co previsto no artigo 20.5 da Lei 9/2007, do 13 de xuño, de subvencións de Galicia, e no artigo 68 da Lei 39/2015, do 1 de outubro, do procedemento administrativo común das administracións públicas, logo de que se dite a oportuna resolución ao abeiro do artigo 21 desta mesma lei.
3. En caso de dúbida, dificultades técnicas ou necesidade de máis información durante o proceso de emenda de documentación das solicitudes, poderán dirixirse á Secretaría Xeral da Igualdade a través da conta de correo promocion.igualdade@xunta.gal, ou dos teléfonos indicados no artigo 27 da resolución de convocatoria (procedementos SI435B e SI435C: 981 54 53 12; procedemento SI435A: 881 99 91 63; procedemento SI427B: 981 54 53 69), ou presencialmente.
Santiago de Compostela, 24 de abril de 2019
Susana López Abella
Secretaria xeral da Igualdade
ANEXO
Requirimentos de emenda de documentación
(SI435B, SI435A, SI427B e SI435C)
a) Programa de fomento da conciliación da vida persoal, laboral e familiar (SI435B).
|
Nº de expte. |
Entidade solicitante |
NIF |
Documentación requirida |
|
SI435B 2019/16 |
Concello de Vilardevós |
P3209200I |
1. Anexo III. Punto 4. Medios materiais. Punto 5. Ampliar información do monitorado imputado: perfil, funcións, período de inicio e fin da contratación, así como o número de horas dedicadas ao programa. Punto 6. A desagregación dos custos directos do persoal contratado non coincide co total de gastos directos de persoal. |
|
SI435B 2019/22 |
Concello de Valga |
P3605600J |
1. Anexo I.1. Indicar se teñen Concellaría de Igualdade e se se compromete a colaborar coas actuacións da SXI. |
|
SI435B 2019/33 |
Concello de Vilasantar |
P1509100B |
1. Anexo I.1. Indicar se teñen Concellaría de Igualdade e se se compromete a colaborar coas actuacións da SXI. 2. Anexo III. Punto 1.2. Deben indicar o sistema de selección preferente segundo os ingresos. |
|
SI435B 2019/36 |
Mancomunidade Terra de Celanova |
P8202502D |
1. Anexo I.1. Aclarar a contía solicitada (non pode ser superior ao total de custos directos de persoal). 2. Anexo III. Punto 1.2. O número de proxenitores desagregados por sexo, computarase soamente un deles, preferentemente a nai ou persoa que teña a tutela. |
|
SI435B 2019/42 |
Concello de Arzúa |
P1500600J |
1. Anexo I.1. Aclarar a contía solicitada (non pode ser superior ao total de custos directos de persoal). 2. Anexo II. Aclarar a contía solicitada (non pode ser superior ao total de custos directos de persoal). 3. Anexo III. |
|
SI435B 2019/54 |
Concello de Baralla |
P2703600C |
1. Anexo I.1. Aclarar a contía solicitada (non pode ser superior ao total de custos directos de persoal). Indicar o nome da medida con respecto á que se atopa validada. 2. Anexo II. 3. Anexo III. Aclarar o número de participantes. Punto 1.2. Número de proxenitores desagregados por sexo, computarase soamente un deles, preferentemente a nai ou persoa que teña a tutela. |
|
SI435B 2019/62 |
Concello de Teo |
P1508300I |
1. Anexo I.1. O total dos custos directos de persoal non pode ser superior a 40.000 euros. Indicar o nome da medida con respecto á que se atopa validada. Aclarar a contía dos ingresos como consecuencia das taxas de inscrición. 2. Anexo II. O total dos custos directos de persoal non pode ser superior a 40.000 euros. Indicar o nome da medida con respecto á que se atopa validada. 3. Anexo III. Punto 6. Aclarar a desagregación dos custos directos de persoal para cada unha das persoas contratadas para o desenvolvemento da actividade en relación co anexo I e anexo II. |
|
SI435B 2019/65 |
Concello de Valdoviño |
P1508800H |
1. Anexo I.1. Aclarar a contía solicitada (non pode ser superior ao total de custos directos de persoal). Indicar o nome da medida con respecto á que se atopa validada. 2. Anexo II. Aclarar a contía solicitada (non pode ser superior ao total de custos directos de persoal). Indicar o nome da medida con respecto á que se atopa validada. 3. Anexo III. |
|
SI435B 2019/69 |
Concello de Catoira |
P3601000G |
1. Anexo II. 2. Anexo III. |
|
SI435B 2019/70 |
Concello de Redondela |
P3604500C |
1. Anexo III (todas as actividades da medida recolleranse nun único anexo). |
|
SI435B 2019/72 |
Concello de Barbadás |
P3200900C |
1. Anexo I.1. Aclarar a contía solicitada (máximo 12.000 euros). 2. Anexo II. Aclarar a contía solicitada (máximo 12.000 euros). 3. Anexo III. Punto 1.2. Deben indicar o sistema de selección preferente segundo os ingresos. |
|
SI435B 2019/87 |
Concello de Boiro |
P1501100J |
1. Anexo I.1. Indicar o nome da medida con respecto á que se atopa validada. |
|
SI435B 2019/89 |
Concello de Ortigueira |
P1506200C |
1. Anexo III. Aclarar o número de participantes. |
|
SI435B 2019/90 |
Concello de Rianxo |
P1507300J |
1. Anexo II. Aclarar a contía total dos custos directos de persoal (debe de coincidir co indicado no anexo I e III). |
|
SI435B 2019/94 |
Concello do Pino |
P1506700B |
1. Anexo I.1. Indicar se teñen Concellaría de Igualdade e se se compromete a colaborar coas actuacións da SXI. 2. Anexo III. Incompleto, falta punto 1.2. Persoas participantes. |
|
SI435B 2019/98 |
Concello das Neves |
P3603400G |
1. Anexo I.1. Indicar o nome da medida con respecto á que se atopa validada. 2. Anexo II (asinado polo representante do concello). 3. Anexo III. Punto 1.2. O número de proxenitores desagregados por sexo, computarase soamente un deles, preferentemente a nai ou persoa que teña a tutela. Punto 2. Falta indicar a persoa responsable do concello da medida solicitada. |
|
SI435B 2019/99 |
Concello de Vilanova de Arousa |
P3606100J |
1. Anexo I.1. Indicar se teñen Concellaría de Igualdade e se se compromete a colaborar coas actuacións da SXI. 2. Anexo III. Punto 1.2. Deben indicar o sistema de selección preferente segundo os ingresos. Punto 2. Falta indicar a persoa responsable do concello da medida solicitada. |
|
SI435B 2019/103 |
Concello de Ponte Caldelas |
P3604300H |
1. Anexo I.1. Aclarar a contía solicitada (non pode ser superior ao total de custos directos de persoal). 2. Anexo II. Aclarar a contía solicitada (non pode ser superior ao total de custos directos de persoal). Falta a data do acordo polo que solicita a axuda. 3. Anexo III. Punto 1.2. Deben indicar o sistema de selección preferente segundo os ingresos e número de proxenitores desagregados por sexo, computarase soamente un deles, preferentemente a nai ou persoa que teña a tutela. |
|
SI435B 2019/104 |
Concello de Ribadumia |
P3604600A |
1. Anexo III. O número total de persoas participantes non pode ser inferior a dez. Punto 1.2. Deben indicar o sistema de selección preferente segundo os ingresos. |
|
SI435B 2019/105 |
Concello de Melón |
P3204700C |
1. Anexo III. Aclarar o número de participantes. Punto 1.2. Deben indicar o sistema de selección preferente segundo os ingresos e número de proxenitores desagregados por sexo, computarase soamente un deles, preferentemente a nai ou persoa que teña a tutela. Punto 5. Ampliar a información dos medios persoais. Punto 7. Indicar o número de horas das actividades realizadas nos dous últimos anos. |
b) Programa de promoción da igualdade entre mulleres e homes e de prevención e tratamento da violencia de xénero (SI435A).
|
Nº de expte. |
Entidade solicitante |
NIF |
Documentación requirida |
|
2019/002 |
Concello da Guarda |
P3602300J |
1. Anexo II. Indicar a denominación da medida solicitada. (Debe ser a mesma que a que aparece no anexo III). |
|
2019/004 |
Concello de Coirós |
P1502700F |
1. Anexo III. Só se presenta un anexo III por medida solicitada. Refundir os tres anexos III que presenta no programa Violeta nun só anexo III con 3 actuacións singularizadas e independentes con substantividade propia polo seu contido e temporalización. Pódese incorporar unha memoria adicional ao anexo III para unha mellor descrición das diferentes actuacións. |
|
2019/005 |
Concello de Monforte de Lemos |
P2703100D |
1. Anexo III. No anexo III a denominación da medida ou programa debe ser a mesma que aparece no anexo II (liñas encarnadas). E dentro dela poden recollerse diferentes actuacións singularizadas e independentes con substantividade propia. |
|
2019/007 |
Concello de Vigo |
P3605700H |
1. Anexo III. Aclarar relación de participantes desagregados en cada unha das actuacións. |
|
2019/011 |
Concello de Vilanova de Arousa |
P3606100J |
1. Anexo I.2. Marcar puntos 3.12 (indicar se conta cunha Concellaría de Igualdade) e 3.13 (indicar se se compromete a colaborar coa SXI). 2. Anexo III. No punto 1 descrición: indicar a duración (datas previstas de inicio e finalización; horario). No punto 2. Sistema de organización, xestión e seguimento. Persoa responsable. |
|
2019/012 |
Concello de Ortigueira |
P1506200C |
1. Anexo I.2. Cubrir os puntos 3.12 (indicar se conta cunha Concellaría de Igualdade) e 3.13 (indicar se se compromete a colaborar coa SXI). |
|
2019/013 |
Concello de Guitiriz |
P2702200C |
1. Anexo I.2. Cubrir puntos 3.12 (indicar se conta cunha Concellaría de Igualdade) e 3.13 (indicar se se compromete a colaborar coa SXI). 2. Anexo III. No punto 1. Descrición. As medidas están dirixidas a mulleres vítimas de violencia de xénero e as/os seus fillas/os e persoas delas dependentes. No punto 1.2. Persoas participantes: o perfil das persoas participantes (artigo 7) son mulleres en situación de vulnerabilidade. |
|
2019/014 |
Concello de Gondomar |
P3602100D |
1. Anexo II. Cubrir o recadro coa denominación da medida ou programa solicitada. 2. Anexo III. No punto 1.1. Contido. Aclarar datas de inicio e finalización das actuacións e as horas dedicadas estas. Contía achegada pola Concellaría de Cultura e Deporte. |
|
2019/015 |
Concello de Arzúa |
P1500600J |
1. Anexo I.2. A contía solicitada non pode ser superior ao custo directo de persoal. 2. Anexo II. Indicar a denominación da medida solicitada. A contía solicitada non pode ser superior ao custo directo de persoal. 3. Anexo III. Aclarar o número de participantes en cada obradoiro. No punto 1. Descrición do contido dos diferentes obradoiros. No punto 1.2. Persoas participantes. O perfil das persoas participantes (art. 7) son mulleres en situación de vulnerabilidade (non as mulleres empadroadas no concello). No punto 2. Aclarar a/as persoa/as do concello responsables da xestión e seguimento. |
|
2019/016 |
Concello de Vedra |
P1509000D |
1. Anexo II. Cubrir o recadro Denominación da medida solicitada. 2. Anexo III. No punto 1.1. Contido. Concretar máis as datas de inicio e fin das actividades. Número de sesións. Duración delas. |
|
2019/018 |
Concello de Boiro |
P1501100J |
1. Anexo III. Número de persoas participantes. |
|
2019/022 |
Concello das Pontes de García Rodríguez |
P1507100D |
1. Anexo I. Presenta e asina a solicitude da axuda a concelleira de Benestar Social. Acreditar a autorización da representación da concelleira de Benestar Social. 2. Anexo III. Non está asinado e falta a terceira folla. No punto 6. Datos de actuación, desagregación dos custos directos de persoal (propio ou externo). |
|
2019/023 |
Mancomunidade de Municipios da Comarca de Ordes |
P1500003G |
1. Memoria de aforro de custos (art. 12.1.g). 2. Anexo III. No punto de datos da actuación. Aclarar o lugar de desenvolvemento da actividade. Aclarar a data de inicio e finalización. No punto 5. Medios persoais: o persoal do CIM non é subvencionable (artigo 10.1.a), 4º parágrafo). Aclarar perfil do persoal externo. |
|
2019/024 |
Concello de Ames |
P1500200I |
1. Anexo I.2. Cubrir os puntos 3.12 (indicar se conta cunha Concellaría de Igualdade) e 3.13 (indicar se se compromete a colaborar coa SXI). 2. Anexo III. Concretar. No punto 1.1. Contido. Data de inicio e finalización das actuacións. No punto 5. Medios persoais. Concretar o perfil das persoas que o imparten. |
|
2019/026 |
Concello de Padrón |
P1506600D |
1. Anexo I.2. Aclarar contía solicitada, non pode ser superior ao custo directo de persoal. 2. Anexo II. Aclarar contía solicitada, non pode ser superior ao custo directo de persoal. 3. Anexo III. No punto 6. Desagregación dos custos directos de persoal. O importe que figura non se corresponde cos custos directos de persoal dos anexos I.2 e II. |
|
2019/027 |
Concello de Cabana de Bergantiños |
P1501400D |
1. Anexo I.2. É unha xestión compartida polo que deberá acreditarse xunto coa solicitude que se cumpren os requisitos exixidos no artigo 5 das bases da convocatoria. 2. Anexo II bis. Falta (xestión compartida). 3. Anexo III. No punto 1.1. Contido. Facer unha pequena descrición do contido das actividades. Concretar as datas das actividades (data de inicio e data de finalización) e a súa duración (horas). |
|
2019/028 |
Concello de Teo |
P1508300I |
1. Anexo III. Só se presenta un anexo III por medida solicitada. Refundir os tres anexos III que presenta no programa Promoción da igualdade e prevención da violencia de xénero nun só anexo III, con 3 actuacións singularizadas e independentes con substantividade propia polo seu contido e temporalización. Pódese incorporar unha memoria adicional ao anexo III para unha mellor descrición das diferentes actuacións. No punto de datos da actuación, concretar o lugar de desenvolvemento. No punto 1.1. Descrición da actividade. As medidas están dirixidas a mulleres vítimas de violencia de xénero e as súas fillas e fillos e as persoas delas dependentes. Concretar data de inicio e finalización e o número de sesións. |
|
2019/029 |
Concello de Santa Comba |
P1507800I |
1. Anexo II. Presentar con sinatura verificable. 2. Anexo III. Está sen asinar. Indicar lugar de desenvolvemento e número de participantes. |
|
2019/031 |
Concello de Pontevedra |
P3603800H |
1. Anexo I.2. Presenta e asina a solicitude da axuda a concelleira de Igualdade. Acreditar a autorización da representación da concelleira de Igualdade. A contía solicitada non pode ser superior ao custo directo de persoal. 2. Anexo II. A contía solicitada non pode ser superior ao custo directo de persoal. Denominación da medida solicitada. |
|
2019/032 |
Concello de Cambados |
P3600600E |
1. Anexo II. Falta. 2. Anexo III. No punto 2. Sistema de organización, xestión e seguimento. Indicar a/as persoa/as responsable/s da xestión e seguimento da Concellaría de Igualdade. |
|
2019/033 |
Concello da Peroxa |
P3206000F |
1. Anexo III. 1. Concretar lugar de desenvolvemento. |
|
2019/036 |
Concello de Avión |
P3200500A |
1. Anexo I.2. A contía solicitada non pode ser superior ao custo directo de persoal. 2. Anexo III. No punto 2. Sistema de organización, xestión e seguimento. Persoa responsable. Concretar lugar de desenvolvemento. |
|
2019/037 |
Concello de Fene |
P1503600G |
1. Anexo III. Só se presenta un anexo III por medida solicitada. Refundir os catro anexos III que presenta no programa Prevención da violencia de xénero nun só anexo III, con 4 actuacións singularizadas e independentes con substantividade propia polo seu contido e temporalización. Pódese incorporar unha memoria adicional ao anexo III para unha mellor descrición das diferentes actuacións. |
|
2019/038 |
Concello de Soutomaior |
P3605300G |
1. Anexo II. Falta data do acordo da entidade local para solicitar a axuda. 2. Anexo III. O nome da medida non coincide literal nos anexos II e III. No punto 1.1. Contido. Non cubriu: actuación, denominación, descrición, metodoloxía, duración e datas. O punto 1.2. Perfil das persoas participantes, está sen cubrir. |
|
2019/041 |
Concello de Tomiño |
P3605400E |
1. Anexo II. Non está asinado. 2. Anexo III. Non presenta o anexo en formato normalizado. Ten que presentar o anexo III co formato publicado no DOG (presenta unha memoria). |
|
2019/042 |
Concello da Pobra de Trives |
P3206400H |
1. Anexo I.2. Cubrir os puntos 3.12 (indicar se conta cunha Concellaría de igualdade) e 3.13 (indicar se se compromete a colaborar coa SXI). 2. Anexo II. Non presentou. 3. Anexo III. Só presentou a primeira das catro follas que conforman o anexo III. |
|
2019/045 |
Concello de Melón |
P3204700C |
1. Anexo I.2. O importe do custo directo de persoal que solicita é de 60.000 euros (o artigo 7.3 recolle que o importe máximo dos custos de persoal que se poden presentar para optar a esta axuda é de 40.000 euros): ademais o importe non coincide co importe solicitado no anexo II (6.000 euros). Cubrir os puntos 3.12 (indicar se conta cunha Concellaría de Igualdade) e 3.13 (indicar se se compromete a colaborar coa SXI). 2. Anexo II. Falta por cubrir a denominación da medida solicitada. 3. Anexo III. Non presentou. |
C) Programa de apoio aos centros de información ás mulleres (SI427B).
|
Nº de expte. |
Entidade solicitante |
NIF |
Documentación requirida |
|
SI427B 2019/14 |
Concello de Ares |
P1500400E |
1. Anexos IV.2. En ambas as dúas fichas o gasto de persoal non é correcto, xa que non está calculado con base no custo unitario establecido na convocatoria. Por outro lado, na ficha correspondente ao posto de traballo de asesoramento xurídico non están cuberto o nome/razón social e NIF da persoa que ocupa o dito posto. 2. Como consecuencia do indicado no número 1 anterior, deberán rectificar os gastos de persoal segundo o custo unitario por horas efectivamente traballadas indicados nos anexos I.3 e IV.1. |
|
SI427B 2019/35 |
Concello de Sarria |
P2705700I |
1. Acreditación de ter cumprido o requisito de ter remitidas as contas do exercicio orzamentario 2017 ao Consello de Contas de Galicia. |
|
SI427B 2019/42 |
Mancomunidade do Salnés |
P3600041B |
1. Memoria de aforro de custos: a presentada non está referida a todo o ámbito territorial do CIM. |
|
SI427B 2019/57 |
Concello de Muros |
P1505400J |
1. Acreditación de que o convenio de colaboración para a xestión compartida do CIM asinado polo Concello de Muros e o Concello de Carnota segue en vigor. |
|
SI427B 2019/74 |
Concello de Nigrán |
P3603500D |
1. Anexos IV.2. En ambas as dúas fichas o gasto de persoal non é correcto, xa que non está calculado con base no custo unitario establecido na convocatoria. 2. Como consecuencia do indicado no número 1 anterior, deberán rectificar os gastos de persoal segundo o custo unitario por horas efectivamente traballadas indicados nos anexos I.3 e IV.1. |
|
SI427B 2019/79 |
Concello da Pobra de Trives |
P3206400H |
1. Anexo IV.2. Correspondente ao posto de traballo de atención psicolóxica do CIM: na presentada o número de horas non está no formato exixido. 2. Anexo IV.2. Correspondente ao posto de traballo de axente de igualdade: a contía solicitada para o segundo período non coincide coa contía indicada nos anexos I.3 e II. |
d) Programa de sensibilización, información e difusión sobre igualdade e prevención da violencia contra as mulleres (SI435C).
|
Nº de expte. |
Entidade solicitante |
NIF |
Documentación requirida |
|
SI435C 2019/2 |
Concello da Coruña |
P1503000J |
1. Memoria descritiva do programa (modelo publicado na páxina web da SXI). |
|
SI435C 2019/21 |
Concello de Bergondo |
P1500800F |
1. Anexo II (modelo da convocatoria). 2. Memoria descritiva do programa asinada. |
|
SI435C 2019/29 |
Concello de Cambados |
P3600600E |
1. Memoria descritiva do programa (modelo publicado na páxina web da SXI). |
|
SI435C 2019/56 |
Mancomunidade Comarca de Verín |
P3200025I |
1. Anexo II. 2. Memoria descritiva do programa asinada. |
|
SI435C 2019/60 |
Concello de Maside |
P3204600E |
1. Anexo I.4. Indicar se teñen Concellaría de Igualdade e se se compromete a colaborar coas actuacións da SXI. |
|
SI435C 2019/67 |
Concello de Monfero |
P1505100F |
1. Memoria descritiva. Punto.1. Identificación da medida. |
|
SI435C 2019/75 |
Concello de Nigrán |
P3603500D |
1. O importe dos gastos derivados da realización da actuación non pode exceder 8.000 €. |
|
SI435C 2019/95 |
Concello de Pontevedra |
P3603800H |
1. Acreditar a representación para actuar no nome do representante do concello. |
