No Diario Oficial de Galicia núm. 64, do 2 de abril de 2019, publícase a Orde do 25 de marzo de 2019 pola que se regula a oferta de prazas para as estadías e o tratamento dentro do programa de Benestar a través de talasoterapia 2019 e se procede á súa convocatoria. O número de prazas convocadas ascende a 362 e a súa distribución por talasos correspóndense co establecido no anexo IV da convocatoria. Do total de prazas convocadas resultan provisionalmente adxudicadas as seguintes:

Destinos	Datas e quendas	Núm. prazas ocupadas
Hotel Talaxo Louxo **** Illa da Toxa. Pontevedra.	Do 12 ao 17 de maio	20
	Do 19 ao 24 de maio	10
	Do 22 ao 27 de setembro	16
	Do 20 ao 25 de outubro	20
	Do 27 de outubro ao 1 de novembro	30
	Do 3 ao 8 de novembro	30
	Do 10 ao 15 de novembro	11
	Do 17 ao 22 de novembro	26
Thalasso Cantábrico **** Aloxamento Hotel****/Restaurante Wellness Thalasso Viveiro. Lugo	Do 12 ao 17 de maio	25
	Do 19 ao 24 de maio	24
	Do 26 ao 31 de maio	26
	Do 22 ao 27 de setembro	26
	Do 27 de outubro ao 1 de novembro	26
	Do 3 ao 8 de novembro	26
	Do 10 ao 15 de novembro	17

De conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, e nos artigos 13.3 e 16 da referida Orde do 25 de marzo de 2019, a resolución será obxecto de publicación no Diario Oficial de Galicia, tendo efectos de notificación. Tamén será publicada na paxina web da Consellería de Política Social no enderezo http://www.xunta.gal/politica-social.

RESOLVO:

Primeiro. Ordenar a publicación da Resolución do 7 de maio de 2019 pola que se aproba a relación definitiva de persoas admitidas/excluídas e lista de espera para cubrir prazas nos talasos e quendas mencionados para o ano 2019 e na páxina web:

http://www.xunta.gal/politica-social

O texto completo non se publica no Diario Oficial de Galicia na súa integridade en virtude da cautela prevista no artigo 46 da Lei 39/2015, do 1 de outubro, do procedemento administrativo común das administracións públicas.

Habilítase un prazo de 10 días hábiles para que as persoas interesadas que se acrediten como tal ou os seus representantes, comparezan para consultar a dita resolución nas dependencias da Dirección Xeral de Maiores e Persoas con Discapacidade da Consellería de Política Social, Subdirección Xeral de Dependencia e Valoración da Discapacidade, situada no Edificio Administrativo de San Caetano, s/n, 15781 Santiago de Compostela, das 9.00 ás 14.00 horas, de luns a venres.

Segundo. A adxudicación de prazas vacantes con posterioridade á resolución realizarase, se for o caso, conforme o disposto no artigo 16 da orde de convocatoria.

Terceiro. A concesión da praza adxudicada provisionalmente queda condicionada á obriga por parte das persoas beneficiarias de confirmar, por escrito, a súa aceptación acompañada do xustificante de pagamento da cantidade de 30 euros que, en concepto de reserva, se deba facer efectiva no talaso asignado.

Cuarto. A Resolución do 7 de maio de 2019 pon fin á vía administrativa e contra ela poderase interpoñer recurso potestativo de reposición ante a persoa titular da Consellería de Política Social, no prazo dun mes contado a partir do día seguinte ao da finalización do prazo de dez días establecido no parágrafo primeiro, ou impugnala directamente ante a orde xurisdicional contencioso-administrativo, no prazo de dous meses contados a partir do día seguinte ao prazo de dez días mencionado, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 7 de maio de 2019

Ildefonso de la Campa Montenegro
Director xeral de Maiores e Persoas con Discapacidade