A Xunta de Goberno da Cidade de Santiago de Compostela, na sesión ordinaria que tivo lugar o día 12 de abril de 2019, adoptou, entre outros, o seguinte acordo:
a) Aprobar inicialmente a modificación puntual do Plan especial para o desenvolvemento do sistema xeral de equipamento deportivo ZD-2 (área deportiva de San Lázaro), promovida polo Concello de Santiago, segundo o proxecto redactado pola arquitecta da Sección Municipal de Planeamento en marzo de 2019.
b) A modificación someterase a información pública durante o prazo de dous meses, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Así mesmo, notificarase persoalmente aos titulares catastrais dos terreos afectados.
Durante o trámite de información pública solicitarase o informe da Dirección Xeral do Patrimonio Cultural, así como o de Augas de Galicia para os efectos do disposto no artigo 78.1 do Regulamento estatal do dominio público hidráulico, se procede.
O que se publica a fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, en horario das 9.00 ás 14.00 horas; e na páxina web do Concello http://transparencia.santiagodecompostela.gal/Modificacion-do-Plan-especial-do-sistema-xeral-de-equipamento-deportivo-ZD-2.-area-deportiva-de-San-Lazaro/gl
Santiago de Compostela, 29 de abril de 2019
O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais