O pleno da corporación, en sesión ordinaria do 29.4.2019, adoptou entre outros o seguinte acordo:
– Aprobar definitivamente o estudo de detalle do quinteiro RM9 definido nas NNSS de planeamento da Pontenova, que desenvolve as determinacións e previsións das NNSS de planeamento do Concello, co obxecto de ordenar os volumes edificables.
O acordo de aprobación definitiva publicarase no Diario Oficial de Galicia, e os textos e documentos que o integran así como o índice de planos do estudo de detalle no Boletín Oficial da provincia.
Así mesmo, comunicarase á Consellería de Medio Ambiente e Ordenación do Territorio a aprobación do citado estudo de detalle, á vez que se lle dará traslado dun exemplar en soporte dixital, debidamente dilixenciado, segundo o exixido no artigo 88.3 da LSG, co fin de ser inscrito no Rexistro de Planeamento Urbanístico de Galicia.
En todo caso, e de conformidade co exixido no artigo 199.4 do RLSG, a eficacia do acto de aprobación definitiva e a entrada en vigor quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases de réxime local, en relación co seu artigo 65.4.
Contra o acordo da aprobación definitiva do citado estudo poderase interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, con sede na Coruña, no prazo de dous meses contados desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, de xurisdición contencioso-administrativa.
A Pontenova, 7 de xuño de 2019
Darío Campos Conde
Alcalde presidente