En virtude do establecido nos artigos 4.13 e 34.2 da Lei 1/1983, do 22 de febreiro, de normas reguladoras da Xunta e da súa Presidencia, e nos artigos 28 e 29 dos estatutos do Instituto Galego do Consumo e da Competencia, aprobados polo Decreto 118/2016, do 4 de agosto, por proposta do conselleiro de Economía, Emprego e Industria, e logo de deliberación do Consello da Xunta de Galicia, na súa reunión do día once de xullo de dous mil dezanove,
DISPOÑO:
Que cese, por expiración do seu mandato, Francisco Hernández Rodríguez como presidente da Comisión Galega da Competencia, agradecéndolle os servizos prestados.
Nomear a Ignacio López-Chaves Castro presidente da Comisión Galega da Competencia.
Santiago de Compostela, once de xullo de dous mil dezanove
Alberto Núñez Feijóo
Presidente
Francisco José Conde López
Conselleiro de Economía, Emprego e Industria