En cumprimento do establecido nos artigos 9.3 e 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, procédese a dar publicidade á prórroga do encargo a Tragsatec, ordenado pola Resolución do conselleiro de Economía, Emprego e Industria con data do 7 de xuño de 2019, para a realización de tarefas de apoio no estudio e avaliación de expedientes das axudas aos proxectos de investimento empresarial, convocatoria 2017, no marco do programa operativo Feder Galicia 2014-2020 por un prazo de 2,5 meses e importe de 25.080,01 euros.
Santiago de Compostela, 20 de xuño de 2019
Juan M. Cividanes Roger
Director xeral do Instituto Galego de Promoción Económica