Con data do 3 de xullo de 2019 publicouse no Diario Oficial de Galicia a Resolución do 1 de xullo de 2019 da Escola Galega de Administración Pública, pola que se convocaban os cursos de formación practica do persoal interino que desempeñe os postos reservados a funcionarios de Administración local da Comunidade Autónoma de Galicia con habilitación de carácter nacional.
Finalizado o 24 de xullo o citado curso de formación práctica e de conformidade coa proposta de actualización de méritos do tribunal designado para iso por la Dirección Xeral de Administración Local, esta dirección xeral
RESOLVE:
Primeiro. Facer pública a relación de persoas declaradas aptas no curso práctico de formación pola Escola Galega de Administración Pública no portal de servizos web Eidolocal e na sede electrónica da Xunta de Galicia no enderezo https://sede.xunta.gal/tramitar/PR410A.
Segundo. Facer pública a relación de méritos actualizados das persoas que forman parte das listaxes publicadas en 2018 e que así o solicitaron.
Terceiro. Publicar a relación integrada e actualizada de persoas integrantes das listaxes correspondentes ás subescalas de Secretaría-Intervención, Secretaría e Intervención-Tesouraría para a selección de persoal interino para a cobertura de postos de funcionarios de Administración local con habilitación de carácter nacional das citadas subescalas, no portal de servizos web Eidolocal e na sede electrónica da Xunta de Galicia no enderezo https://sede.xunta.gal/tramitar/PR410A.
Cuarto. Estas bolsas integradas e actualizadas entrarán en vigor ao día seguinte ao da publicación no Diario Oficial de Galicia da presente resolución.
Contra esta resolución poderase interpoñer recurso potestativo de reposición ante a directora xeral de Administración Local, no prazo dun mes, contado desde o día siguiente ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xusticia de Galicia no prazo de dous meses, contados desde a mesma data, de conformidade co disposto no artigo 8.2 da Lei 29/1998, de 13 de xullo, en relación co artigo 10.1 do mesmo texto legal.
Santiago de Compostela, 30 de xullo de 2019
Marta Fernández-Tapias Núñez
Directora xeral de Administración Local