De conformidade coa proposta elevada polo tribunal cualificador das probas selectivas convocadas pola Resolución do 3 de decembro de 2013 (Diario Oficial de Galicia do 16 de decembro) para cubrir unha praza da categoría profesional técnico superior de telecomunicacións, grupo I, unha vez comprobado que a persoa seleccionada reúne os requisitos exixidos na base 2 da convocatoria, e de conformidade co disposto no artigo 85.j) dos estatutos da USC,
RESOLVO:
Primeiro. Aprobar a proposta feita polo tribunal cualificador e contratar como persoal laboral fixo na categoría profesional de técnico superior de telecomunicacións a persoa que superou o proceso selectivo pola quenda de promoción interna e que se relaciona no anexo desta resolución.
Segundo. Para adquirir a condición de persoal laboral fixo, a persoa a cal se refire o anexo desta resolución deberá cumprir os requisitos exixidos no artigo 63 da Lei 2/2015, do 29 de abril, e asinar o contrato de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galicia. O contrato formalizarase no Servizo de Xestión de Persoal, situado na Casa da Balconada (rúa Nova, número 6). Santiago de Compostela.
Terceiro. Contra a presente resolución, que esgota a vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición no prazo dun mes perante o órgano que a ditou. Neste caso non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 11 de setembro de 2019
Antonio López Díaz
Reitor da Universidade de Santiago de Compostela
ANEXO
Categoría laboral: técnico superior de telecomunicacións.
Quenda: promoción interna.
Número de orde: 1.
Apelidos e nome: García Varela, Álvaro.
DNI: ***0244 **.