Visto o expediente para outorgamento da autorización administrativa previa e da autorización administrativa de construción das instalacións eléctricas que a continuación se describen, tal e como se recollen no proxecto asinado polo enxeñeiro técnico industrial Rubén Francisco Fernández Vayo, colexiado núm. 2.880 COITI Vigo, en agosto de 2019, con visado nº 21900920, do 6 de agosto de 2019, do sinalado colexio profesional:

Solicitante: Distribuidora Eléctrica de Melón, S.L.

Enderezo: rúa A Coruña núm. 20 baixo; 36700 Tui-Pontevedra.

Denominación: modificación CTA Cima de Vila-Melón.

Situación: Cima de Vila, concello de Melón.

Descricións técnicas:

– Substitución do transformador aéreo intemperie existente de 50 kVA (expediente nº 3500-AT) por un novo transformador de 160 kVA intemperie con refrixeración natural en baño de aceite, R/T 20/0,42 kV, xunto coa súa aparellaxe asociada.

– Montaxe dun novo cadro de BT de distribución (Gardy) e da aparellaxe correspondente.

– Montaxe de batería de condensador fixo coas seguintes características: tensión nominal: 440 V, potencia: 17,5 kVAr e un poder de corte de 6 kA.

– Orzamento: 9.345,24 €.

Unha vez cumpridos os trámites ordenados na Lei 24/2013, do 26 de decembro, do sector eléctrico, e os regulamentarios previstos no capítulo II do título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, coa simplificación dos procedementos que lle son, de ser o caso, de aplicación, tal e como se regula nos artigos 37 e 38 da Lei 5/2017, do 19 de outubro, de fomento da implantación de iniciativas empresariais, e na Resolución da Dirección Xeral de Enerxía e Minas, do 19 de febreiro de 2014 (DOG do 19 de marzo), esta xefatura territorial, á vista do informe do Servizo de Enerxía e Minas emitido ao respecto,

RESOLVE:

Conceder a autorización administrativa previa e a autorización administrativa de construción ás ditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos, de ser o caso, polos ministerios, organismos ou corporacións que constan no expediente.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e, en especial, as relativas á ordenación do territorio e ao ambiente.

O prazo de posta en marcha das instalacións que se autorizan será de seis meses, contados a partir da data da última autorización administrativa necesaria para a súa execución.

Contra esta resolución poderá interpoñer recurso de alzada, ante o conselleiro de Economía, Emprego e Industria, no prazo dun mes contado a partir do día seguinte ao da notificación ou publicación desta resolución. Tamén poderá interpoñer calquera outro recurso que xulgue pertinente ao seu dereito.

Ourense, 29 de agosto de 2019

Santiago Álvarez González
Xefe territorial de Ourense