O artigo 15.1 da Lei 9/2007, do 13 de xuño, de subvencións de Galicia, establece a obrigatoriedade da publicación no Diario Oficial de Galicia das subvencións concedidas con expresión da convocatoria, o programa e o crédito orzamentario a que se imputan, o beneficiario, a cantidade concedida e a finalidade ou finalidades da subvención. Así mesmo, segundo o artigo 13 da orde de convocatoria, esta resolución publicarase no DOG e na páxina web oficial da Consellería de Cultura e Turismo (https://www.cultura.gal). Por tanto,

RESOLVO:

Ordenar a publicación no Diario Oficial de Galicia das subvencións concedidas con cargo á aplicación orzamentaria 11.20.432A.770.01 do procedemento CT221A de subvencións para a participación de persoas escritoras, ilustradoras e tradutoras nos festivais e nas feiras internacionais do sector do libro que teñan lugar en 2019.

Santiago de Compostela, 19 de setembro de 2019

Román Rodríguez González
Conselleiro de Cultura e Turismo

ANEXO

Núm. expte. CT221A	Persoa beneficiaria	Feira ou festival internacional	Total subvención
2019/1	Nuria Díaz Berride	Bologna Children’s Book Fair	600 €
2019/2	Yolanda Castaño Pereira	The O Bheal Winter Warmer Poetry Festival, Cork (Ireland)	600 €
2019/4	Anxo Xabier Fariña Temprano	Feria Internacional del Libro de Lima	1.500 €
2019/5	Alejandro Viñuela Agra	Bienal de Bratislava	600 €