Desde o Consello de Bioética de Galicia enviouse escrito ao conselleiro de Sanidade no cal comunica a renuncia de Irene Esperón Rodríguez e de Alberto Ruano Raviña, como membros do citado consello.

Antecedentes:

A Orde do 16 de outubro de 2015 pola que se regulan as funcións, a composición e o funcionamento do Consello de Bioética de Galicia foi obxecto de publicación no Diario Oficial de Galicia (DOG) do 27 de outubro.

Mediante a Orde do 16 de novembro de 2015 nomeáronse os membros integrantes do Consello de Bioética de Galicia (DOG do 23 de novembro), entre os cales figuraban como membros as dúas persoas anteriormente citadas.

Consideracións legais e técnicas:

De conformidade co parágrafo II do número 1 do artigo 3 da Orde do 16 de outubro de 2015, os membros do Consello de Bioética de Galicia serán nomeados e cesados pola persoa titular da consellería con competencias en materia de sanidade por un período de tres anos, prorrogables por outro período de igual duración. Tanto o nomeamento como o cesamento serán publicados no Diario Oficial de Galicia.

O artigo 8 establece que unha das causas de cesamento dos membros do consello é a renuncia expresa presentada por escrito ante a persoa titular da Presidencia do Consello.

Logo de ver o que se expuxo,

ACORDO:

O cesamento de Irene Esperón Rodríguez e de Alberto Ruano Raviña, por petición propia, como membros do Consello de Bioética de Galicia.

Santiago de Compostela, 30 de setembro de 2019

Jesús Vázquez Almuíña
Conselleiro de Sanidade