A persoa titular da Subdirección Xeral de Inspección do Transporte ditou as resolucións do expediente sancionador PO-00067-O-2019 e tres máis por infracción da normativa sobre transporte terrestre.

Intentada a notificación das resolucións por correo certificado con xustificante de recepción no domicilio que consta nos correspondentes expedientes sancionadores, estas foron devoltas polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles as resolucións ditadas ás persoas interesadas.

Son informadas de que os expedientes sancionadores están á súa disposición nas oficinas da Subdirección Xeral de Inspección do Transporte, situadas na praza de Europa, 5A, 2º, en Santiago de Compostela.

Comunicáselles que contra as resolucións sancionadoras, que non son definitivas na vía administrativa, cabe recurso de alzada, ante o director xeral de Mobilidade da Consellería de Infraestruturas e Mobilidade, no prazo dun mes contado desde o día seguinte ao da publicación deste anuncio no BOE.

En caso de conformidade coas resolucións sancionadoras, as persoas interesadas deberán aboar a multa imposta empregando o modelo impreso que se facilitará na Subdirección Xeral de Inspección do Transporte.

No caso de non presentaren recurso de alzada e non pagaren a sanción imposta, procederase ao seu cobramento pola vía de constrinximento segundo o previsto na normativa vixente.

Santiago de Compostela, 25 de setembro de 2019

María Inmaculada Carril Barco
Xefa do Servizo de Informes e Recursos

ANEXO

Expediente Matrícula	DNI/CIF Persoa sancionada	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta
PO-00067-O-2019 7039-BNT	X9687267N	Atenuante. Realizar transporte público de mercadorías en vehículo lixeiro carecendo de título habilitante. 27.6.2018; 12.39.00; PO-531; 4,732	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros
PO-00068-O-2019 1666-DKM	76898811J	Atenuante. Realizar transporte público de mercadorías en vehículo lixeiro carecendo de título habilitante. 27.6.2018; 7.50.00; N-550; 130,0	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros
PO-03463-O-2018 1666-DKM	76898811J	Atenuante. Realizar transporte público en vehículo lixeiro ao abeiro dunha autorización caducada, revogada ou que por calquera outra causa perdese a súa validez. 8.5.2018; 12.40.00; A-55; 21,413	Artigo 141.25 da LOTT. Artigo 140.1 da LOTT	Artigo 143.1.k) da LOTT. Artigo 143.1.f) da LOTT	801 euros
XC-02156-O-2018 3430-HRC	36147249N	Atenuante. Realizar transporte público de mercadorías en vehículo lixeiro carecendo de título habilitante. 23.8.2018; 2.43.00; AP-9; 79,5	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros