O Xurado Provincial de Clasificación de Montes Veciñais en Man Común de Pontevedra, na sesión celebrada o día 26 de marzo de 2019 acordou iniciar os trámites para a clasificación como veciñal en man común do seguinte monte:
Concello: Pontevedra.
Parroquia: Santa María de Xeve.
Nome do monte: Lagarteiro.
Cabida: 635,52 m2 (superficie alegada na solicitude).
Estremas:
Norte: Mª del Pilar Morgade González e outros propietarios descoñecidos.
Sur: circundado da Antiga Casa de Odulia, Mª Luisa Solla González e camiño público que lle á acceso desde a estrada PO-224.
Leste: Mª del Pilar Morgade González e Mª Luisa Solla González.
Oeste: circundado da Antiga Casa de Odulia.
O que se pon en coñecemento de todas as persoas interesadas, indicándolles que se abre un período dun mes para que poidan examinar o expediente e efectuar as alegacións que coiden convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Pontevedra, 17 de setembro de 2019
Lorena Peiteado Pérez
Instrutora