Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 204 Venres, 25 de outubro de 2019 Páx. 46673

IV. Oposicións e concursos

Parlamento de Galicia

RESOLUCIÓN do 15 de outubro de 2019, da Presidencia do Parlamento de Galicia, de nomeamento dun funcionario da escala de tecnoloxías da información do corpo superior do Parlamento de Galicia.

Á vista da resolución do procedemento selectivo para a provisión por concurso do posto de adxunto/a á Xefatura do Servizo de Tecnoloxías da Información da Administración do Parlamento de Galicia, posto AP109 da escala de tecnoloxías da información do corpo superior do Parlamento de Galicia, a favor do funcionario Ignacio Cid Gómez, acordado pola Mesa do Parlamento na súa sesión do 1 de outubro de 2019, e rematados os trámites establecidos nas bases da antedita convocatoria, no uso das facultades que me confire o Estatuto do persoal do Parlamento de Galicia e o Regulamento de organización e funcionamento da Administración do Parlamento de Galicia,

RESOLVO:

Nomear adxunto á Xefatura do Servizo de Tecnoloxías da Información da Administración do Parlamento de Galicia a Ignacio Cid Gómez.

Contra a presente resolución poderase interpoñer, potestativamente, recurso de reposición ante a Presidencia do Parlamento de Galicia, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións publicas, ou directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ao da súa publicación, segundo a Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de outubro de 2019

Miguel Ángel Santalices Vieira
Presidente do Parlamento de Galicia