No uso das competencias atribuídas a esta xefatura territorial, e en virtude do disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE do 2 de outubro), intentada a notificación da resolución de reintegro no último enderezo coñecido da sociedade sen que esta se puidese practicar, notifícaselle á persoa representante da empresa citada no anexo para que, no prazo de dez (10 días), contados desde o seguinte ao da data de publicación desta cédula no Boletín Oficial del Estado, compareza persoalmente ou debidamente representada no Servizo de Emprego e Economía Social da Xefatura Territorial da Consellería de Economía, Emprego e Industria de Vigo; rúa Concepción Arenal, 8, 2º (das 9.00 ás 14.00 horas, de luns a venres), para ter coñecemento do contido daquela, advertíndolle que, de non facelo así, se considerará notificada cos efectos que correspondan.

Así mesmo, esgotada a vía administrativa nos procedementos que se relacionan no devandito anexo, fáiselle saber o dereito que o asiste para interpor recurso contencioso-administrativo no prazo de dous meses, que comezará a contar a partir do día seguinte ao da publicación desta cédula no Boletín Oficial del Estado, ante o órgano competente da xurisdición contencioso-administrativa, así como, con anterioridade e con carácter potestativo, poderá interpor recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 39/2015, do 1 de outubro, do procedemento administrativo común das administracións públicas.

Pontevedra, 24 outubro de 2019

Ignacio Rial Santomé
Xefe territorial de Pontevedra

ANEXO

Expediente: TR802G-36-022-16.

Empresa: Autorapido, Sociedade Cooperativa Galega.

DNI/NIF: F94143229.

Enderezo: rúa Albelos, nº 76, 36270 Guillarey-Tui (Pontevedra).

Tipo de axuda: fomento do emprendemento en economía social (Programa APROL-Economía social).

Norma reguladora: Orde do 30 de xuño de 2016 pola que se establecen as bases reguladoras das subvencións para o fomento do emprendemento en economía social.

Preceptos infrinxidos: artigos 28.2 e 41.2 da Orde do 30 de xuño de 2016.

Feito imputado: artigo 19 da dita orde.

Data da resolución: 14.9.2019

Contido da resolución: resolución de procedencia do procedemento declarativo de reintegro.

Importe para devolver: 2.062,53 €.