O Concello Pleno, en sesión ordinaria do 28 de agosto de 2019, adoptou o acordo de aprobación definitiva que, seguir, se transcribe:
«Concluído o expediente iniciado, por acordo plenario do 28 de decembro de 2018, para o reaxuste de aliñación e trazado viario na UE-2 na rúa Chao de Curra da Veiga, definido na memoria técnica co número de rexistro de entrada 1097, do 6 de novembro de 2018, asinada polo arquitecto Jorge Blanco Rodríguez, consonte o establecido no artigo 80 da Lei 2/2016, do 10 de febreiro, do solo de Galicia, en concordancia co disposto no artigo 192 do Decreto 143/2016, do 22 de setembro, e realizado o trámite de información pública (DOG núm. 17, do 24 de xaneiro de 2019 e La Voz de Galicia do 8 de xaneiro de 2019) e a notificación individual aos propietarios afectados, sen se teren presentado alegacións contra o expediente,
O Concello Pleno, polo voto favorable dos seis membros presentes do PP e coa abstención do membro do PSdeG-PSOE, acorda:
Primeiro. Aprobar definitivamente o estudo de detalle para o reaxuste de aliñación e trazado viario na UE-2 na rúa Chao de Curra da Veiga.
Segundo. Notificar este acordo aos propietarios e demais interesados directamente afectados polo estudo de detalle.
Terceiro. Remitir á Consellería de Medio Ambiente, Territorio e Vivenda a documentación exixida polo artígo 88.3 da LSG, para os efectos de inscribir o estudo de detalle no Rexistro de Planeamento Urbanístico de Galicia.
Cuarto. Publicar este acordo de aprobación definitiva no Diario Oficial de Galicia. Contra o acordo de aprobación definitiva do estudo de detalle poderase interpoñer directamente recurso contencioso-administrativo no prazo de dous meses, contados a partir do día seguinte ao da publicación do anuncio así como publicar no Boletín Oficial da provincia de Ourense o correspondente anuncio cos anexos e planos que integran o estudo de detalle.
Quinto. En todo caso, a eficacia do acto de aprobación definitiva e a entrada en vigor do plan aprobado quedan condicionadas á súa publicación de conformidade co establecido neste artigo, á inscrición do instrumento no Rexistro de Planeamento Urbanístico de Galicia, de conformidade co disposto no artigo 88 da Lei 2/2016, do 10 de febreiro».
A Veiga, 24 de outubro de 2019
Juan Anta Rodríguez
Alcalde