No Boletín Oficial da provincia núm. 210, do 31 de outubro de 2019, publicáronse as bases xerais e específicas de varios procesos selectivos convocados para cubrir as seguintes prazas e postos vacantes no cadro de persoal funcionario e laboral fixo da Deputación Provincial de Pontevedra, incluídas na oferta de emprego público do ano 2018:
– Unha praza de técnica ou técnico de administración xeral, encadrada na escala de administración xeral, subescala técnica, e integrada no grupo A1, por quenda libre.
– Unha praza de técnica ou técnico de xestión tributaria, encadrada na escala de administración especial, subescala técnica, clase media, e integrada no grupo A2, por quenda libre.
– Unha praza de técnica ou técnico de educación, encadrada na escala de administración especial, subescala técnica, clase media, e integrada no grupo A2, por quenda libre.
– Doce prazas de técnica ou técnico auxiliar en educación diúrna, encadradas na escala de administración especial, subescala técnica, clase auxiliar, e integradas no grupo C1, por quenda libre.
– Tres prazas de técnica ou técnico auxiliar en educación nocturna, encadradas na escala de administración especial, subescala técnica, clase auxiliar, e integradas no grupo C1, por quenda libre.
– Un posto de traballo de técnica ou técnico de turismo, clasificado no grupo A2, por quenda libre.
– Catro postos de traballo de administrativa ou administrativo de xestión tributaria, clasificados no grupo C1, por quenda libre.
– Un posto de traballo de subalterna ou subalterno de oficios varios, clasificado no grupo E, por quenda libre. Reservada para persoas con discapacidade.
O prazo de presentación de solicitudes será de vinte (20) días hábiles, contados desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia.
Pontevedra, 31 de outubro de 2019
A presidenta da Deputación Provincial de Pontevedra
P.D. (Resolución 2019014186, do 1.8.2019)
Carlos López Font
Deputado delegado da Área de Réxime Interior, Economía,
Facenda, Novas Tecnoloxías e ORAL