A Xunta de Goberno Local, en sesión ordinaria que tivo lugar o 21 de outubro de 2019, acordou aprobar inicialmente o proxecto de expropiación forzosa para obter os terreos do sistema xeral de equipamentos SX-EQ4, previsto no Plan xeral de ordenación municipal (PXOM) para a ampliación do cemiterio municipal de Carballo, polo procedemento de taxación conxunta, segundo o documento redactado pola entidade Estudio Técnico Gallego, S.A. e asinado polos técnicos Isidro López Yáñez (arq. col. 2261 COAG) e Beatriz Blanco Lois (enx. téc. agrícola, col. 1909).
A relación de bens e dereitos afectados polo expediente expropiatorio é a seguinte:
Relación de bens e dereitos afectados
Nº predio |
Titular |
Ref. catastral |
Clasificación urbanística |
Situación básica |
Destino |
Sup. total (m²) |
Sup. afectada pleno dominio (m²) |
Outros bens e dereitos afectados |
|
1 |
Vázquez Pallas, Fernando (hdros.) |
15019A065000160000IJ |
Solo rústico |
Rural |
Monte |
23.884,00 |
3.265,00 |
||
2 |
Eiris Varela, Constantino (hdros.) |
15019A065000160000IJ 15019A065000170000IE |
Solo rústico |
Rural |
Monte |
1.913,00 |
980,00 |
980,00 |
Arboredo (carballeira) m² |
O que se somete a información pública por un prazo dun mes en cumprimento dos artigos 118.3 da Lei 2/2016, do 10 de febreiro, do solo de Galicia, e 293.3 do Regulamento da Lei do solo, co fin de que as persoas que se consideren interesadas formulen as observacións e reclamacións que xulguen convenientes, en particular no relativo á titularidade ou valoración dos seus respectivos dereitos.
Así mesmo, requíreselle aos titulares dos bens e dereitos afectados para que acheguen os títulos que os acrediten como propietarios e advírteselles que este anuncio serve de notificación en caso de que estes sexan descoñecidos ou se descoñezca o seu enderezo, segundo o previsto no artigo 44 da Lei 39/2015, do procedemento administrativo común das administración públicas.
O documento técnico e os trámites contidos no expediente poderán consultarse na oficina técnica municipal, das 10.00 ás 13.00 horas, e na páxina web do concello no seguinte enlace:
http://carballo.org/media/documentos/07112019_expropiacion_cemiterio.pdf
Carballo, 8 de novembro de 2019
Evencio Ferrero Rodríguez
Alcalde