Na sesión que tivo lugar o día 25 de novembro de 2019, o tribunal nomeado pola Orde do 30 de setembro de 2019 (DOG núm. 195, do 14 de outubro) acordou:
Primeiro. O cuarto exercicio deste proceso selectivo, correspondente ás probas psicotécnicas, realizarase na sede da Agasp, sita na rúa da Cultura, s/n, 36680, A Estrada (Pontevedra).
A primeira parte desta proba, consistente na realización dunha proba de intelixencia e personalidade, levarase a cabo o día 9 de decembro de 2019, en chamamento único que se iniciará ás 10.00 horas.
A segunda parte desta proba, consistente na contestación a un cuestionario formulado verbalmente, comezará a realizarse a partir do día 16 de decembro de 2019; a través da páxina web da Agasp (www.agasp.xunta.gal) informarase das quendas, horarios e datas de chamamento.
Segundo. Á realización desta proba son convocadas as persoas que figuran como aptas no anexo I da resolución deste tribunal, do 25 de novembro de 2019, relacionada coas cualificacións da terceira proba deste proceso selectivo.
Terceiro. As persoas aspirantes que teñan que realizar a dita proba deberán ir provistas do DNI ou documento fidedigno acreditativo da súa identidade.
A Estrada, 26 de novembro de 2019
Alejandro Tuero González
Presidente do tribunal