Procedemento: procedemento ordinario 7462/2019
Sobre acción administrativa e acto administrativo
De Antonio Miguens López
Avogado: José Manuel Constenla Sanmartín
Procuradora: María Sanmartín Ruzo
Contra Consellería do Medio Rural
Avogado: letrado da Comunidade
No presente órgano xudicial a procuradora María Sanmartín Ruzo interpuxo recurso contencioso-administrativo, en nome e representación de Antonio Miguens López, fronte á Consellería do Medio Rural, contra a Resolución da Consellería do Medio Rural do 26 de agosto de 2019 que desestima o recurso de alzada interposto contra outra do director xeral de Desenvolvemento Rural do 6 de xullo de 2017, que desestimaba a solicitude de modificación do acordo de concentración parcelaria de zona de monte Val de Vea, sector II (A Estrada-Pontevedra).
Polo que, en cumprimento da dilixencia de ordenación de 18.11.2019 e do establecido no artigo 47.2 da LXCA, concédese un prazo de quince días para a comparecencia dos que teñan interese lexítimo en soster a conformidade co dereito da disposición, acto ou conduta impugnados.
A Coruña, 18 de novembro de 2019
María Luisa Díaz Sánchez
Letrada da Administración de xustiza