A Xunta de Goberno Local, na súa sesión do día 20 de novembro de 2019, aprobou inicialmente o Plan especial de protección do xacemento da Atalaia (San Cibrao, Cervo, Lugo).
En cumprimento do disposto no artigo 75.1.a) da Lei 2/2016, do 10 de febreiro, do solo de Galicia, sométese o expediente á información pública polo prazo de dous meses, contados desde o día seguinte ao desta publicación no Diario Oficial de Galicia, para que poida ser examinado na Secretaría do Concello de Cervo, así como na sede electrónica deste concello (http://cervo.sedelectronica.es).
Durante o período de información pública quedará o expediente a disposición de calquera que queira examinalo, para os efectos de que se presenten as alegacións que se consideren pertinentes.
A aprobación inicial do Plan especial de protección do xacemento da Atalaia comporta a suspensión do outorgamento de licenzas naqueles ámbitos do territorio cuxas novas determinacións supoñan modificación da ordenación urbanística vixente.
As áreas afectadas son as seguintes parcelas con referencia catastral:
6000714PJ2460S0001XX, 6100017PJ2460S0001DX, 6100015PJ2460S0001KX, 6100003PJ2460S0001YX, 6100001PJ2460S0001AX, 27013A001099940000RO, 6100005PJ2460S0001QX e 6100006PJ2460S0001PX.
Cervo, 22 de novembro de 2019
Alfonso Villares Bermúdez
Alcalde