Para unha adecuada aplicación das taxas e os prezos da Comunidade Autónoma de Galicia a orde a que fai referencia o título desta resolución procedeu a codificar tanto as diferentes taxas como os servizos xestores que as aplican.
Ao longo do ano promulgáronse unha serie de normas que viñeron crear ou modificar os servizos xestores e as tarifas existentes, razón pola que, mediante esta resolución, se procede a revisar as codificacións recollidas na orde citada, consonte coa autorización contida no parágrafo segundo da disposición adicional da Orde da Consellería de Economía e Facenda, do 30 de xuño de 1992.
As normas que motivan as modificacións son as que se citan a seguir:
• Lei de medidas fiscais da Comunidade Autónoma de Galicia para o ano 2020.
Por todo iso, e en virtude do parágrafo segundo da disposición adicional da Orde do 30 de xuño de 1992 referida,
RESOLVO:
Primeiro. Actualizar o anexo VI da Orde da Consellería de Economía e Facenda, do 30 de xuño de 1992, do xeito seguinte:
a) Engadindo os códigos relacionados a seguir, de maneira que se insiran no lugar que lles corresponda segundo a orde preestablecida:
|
30.59.00 |
Actuacións administrativas encamiñadas a resolver as solicitudes de acreditación no sistema acreditador de formación continuada das profesións sanitarias na Comunidade Autónoma de Galicia: |
|
30.59.01 |
Por cada actividade formativa de tipo presencial |
|
30.59.02 |
Por cada actividade formativa de tipo a distancia ou mixta |
|
30.59.03 |
Por cada reedición de actividades formativas presenciais, a distancia ou mixtas |
|
31.19.10 |
Inicio actividade de turismo activo |
|
32.25.36 |
Instrumentos destinados a medir a velocidade de circulación de vehículos de motor: verificación periódica de cinemómetros de tramo (tramo adicional) |
|
33.09.00 |
Venda de placas de instalación e inspeccións periódicas de equipamentos de presión |
b) Modificando os códigos seguintes:
|
31.01.00 |
Actuacións relativas a autorizacións habilitantes para realizar transporte público ou privado complementario de persoas viaxeiras e de mercadorías por estrada, ou para actividades auxiliares e complementarias deste |
|
31.01.01 |
Outorgamento, transmisión, rehabilitación, cambio de residencia, troca ou modificación da autorización |
|
31.01.05 |
Outorgamento, modificación ou prórroga de autorizacións para servizos de transporte público regular de viaxeiros de uso xeral |
|
31.01.07 |
Actuacións relativas ás concesións de servizos de transporte regular de viaxeiros de uso xeral por estrada |
|
31.01.15 |
Homologación de cursos de formación de condutores de determinados vehículos destinados ao transporte por estrada |
c) Eliminando os códigos seguintes:
|
31.01.02 |
Visado de cada unha das copias certificadas da autorización, expedicións de copias ou duplicados e modificación |
|
31.01.11 |
Dilixenciado do caderno de contratos relativos á prestación de servizos en autotaxi iniciados en concello distinto daquel onde teñan a súa residencia |
|
32.65.00 |
Expedición de placas de instalación e inspeccións periódicas de equipamentos a presión |
Segundo. Actualizar o anexo VII da Orde da Consellería de Economía e Facenda, do 30 de xuño de 1992, que queda como segue:
Banco Santander
Banco Sabadell
Banco Caixa Geral
BBVA
Targobank
Evo Banco
Bankia
Abanca
Ibercaja
Caixabank
Caja Rural Galega
Caja Rural Zamora
Terceiro. Esta resolución entrará en vigor o día 1 de xaneiro de 2020.
Santiago de Compostela, 19 de decembro de 2019
Mª Victoria González Vázquez
Directora da Axencia Tributaria de Galicia
