Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen os autos número 464/2017 por instancia de Olga María Neira Cortizas contra a empresa Bella y Asociados Restauración, S.L. e contra o Fondo de Garantía Salarial, sobre reclamación de cantidade, nos cales se ditou a Sentenza do 10 de decembro de 2019 que, copiada nos particulares necesarios, di así:
Resolvo:
Estímase a demanda formulada por Olga María Neira Cortizas contra a empresa Bella y Asociados Restauración, S.L., con intervención do Fondo de Garantía Salarial, e en consecuencia:
– Condénase a empresa Bella y Asociados Restauración, S.L. a aboarlle a Olga María Neira Cortizas a cantidade de mil cincocentos trinta e nove euros con vinte e seis céntimos de euro (1.539,26 euros), devindicando os conceptos salariais o xuro moratorio do 10 %.
Notifíqueselles esta resolución ás partes e fágaselles saber que contra ela non cabe recurso de suplicación por razón da contía, sen prexuízo dos demais motivos previstos no artigo 191 da Lei reguladora da xurisdición social.
A competencia para coñecer o recurso de suplicación corresponderá, de ser o caso, ao Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social ou representante, dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
Para que conste, para efectos da súa publicación no Diario Oficial de Galicia co fin de que lle sirva de notificación en forma á empresa Bella y Asociados Restauración, S.L., expido e asino este edicto.
A Coruña, 2 de xaneiro de 2020
A letrada da Administración de xustiza