O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Artigo único
Dar publicidade á relación dos convenios subscritos pola Academia Galega de Seguridade Pública nos meses de setembro, outubro, novembro e decembro do ano 2019, que se incorpora como anexo a esta resolución.
A Estrada, 15 de xaneiro de 2020
Santiago Villanueva Álvarez
Director xeral da Academia Galega de Seguridade Pública
ANEXO
Relación de convenios subscritos pola Agasp no 3º cuadrimestre do ano 2019
|
Convenio |
Data da sinatura |
Achega total da Agasp |
|
Convenio de colaboración en materia de formación entre a Academia Galega de Seguridade Pública e o Concello de Pontevedra |
2.9.2019 |
Sen achega económica |
|
Acordo de colaboración entre a Axencia Galega de Emerxencias e a Academia Galega de Seguridade Pública para a cesión de uso, a título gratuíto, dun desfibrilador semiautomático externo (DESA) |
9.9.2019 |
Sen achega económica |
|
Acordo de colaboración entre a Vicepresidencia e Consellería de Presidencia, Administracións Públicas e Xustiza e a Consellería de Educación, Universidade e Formación Profesional, sobre a colaboración educativa nas ensinanzas de formación profesional da familia de Seguridade e Medio Ambiente |
11.12.2019 |
14.000,00 € (2019) 45.500,00 € (2020) |
|
Convenio para a asunción pola Administración xeral da Comunidade Autónoma de Galicia da convocatoria e desenvolvemento dos procesos selectivos unitarios para o acceso ás diferentes categorías dos corpos de policía local e ás prazas de auxiliares de policía local entre a Vicepresidencia e Consellería de Presidencia, Administracións Públicas e Xustiza e o Concello de Foz |
26.12.2019 |
Sen achega económica |
