Con motivo da ausencia do presidente da Xunta de Galicia, por mor dunha viaxe á República Oriental do Uruguai, é necesario prover a súa substitución durante o tempo de duración desta.

Polo tanto, en uso das atribucións que me confire o artigo 26.7 da Lei 1/1983, do 22 de febreiro, reguladora da Xunta e da súa Presidencia, e conforme o establecido no Decreto 148/2016, do 13 de novembro,

DISPOÑO:

Artigo único. Durante a ausencia do presidente da Xunta de Galicia, con motivo da súa viaxe á República Oriental do Uruguai, encárgaselle o despacho de asuntos da Presidencia, desde o día 31 de xaneiro ata o seu regreso, ao vicepresidente e conselleiro de Presidencia, Administracións Públicas e Xustiza.

Santiago de Compostela, trinta de xaneiro de dous mil vinte

Alberto Núñez Feijóo
Presidente