No Xulgado do Contencioso-Administrativo número 1 de Ourense tramítase o recurso 333/2019 (procedemento abreviado) de Águeda Iglesias Gómez contra a desestimación do recurso de reposición interposto contra a Resolución do 7 de maio de 2019, da Dirección Xeral de Recursos Humanos, pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario (DOG núm. 94, do 20 de maio).

Categoría: enfermeira.

Ámbito: Distrito Sanitario de Ourense.

Epígrafe: experiencia.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 24 de xaneiro de 2020

Margarita Prado Vaamonde
Directora xeral de Recursos Humanos