A persoa titular da Dirección de Augas de Galicia ditou a resolución do expediente de autorización de obras de clave DH.W15.63115 por infracción da normativa en materia de dominio público hidráulico.

Intentada a notificación da resolución por correo certificado con aviso de recepción no domicilio que consta no correspondente expediente, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícase a resolución ditada ao grupo municipal Xuntos por As Pontes (CIF V70460001).

Infórmase de que o expediente se atopa a súa disposición nas oficinas de Augas de Galicia, situadas na praza de Camilo Díaz Baliño, 7-9, 15781 Santiago de Compostela.

Comunícaselle que, contra a resolución, que non é definitiva na vía administrativa, cabe recurso de alzada ante a presidencia de Augas de Galicia, no prazo dun mes contado desde o día seguinte ao da publicación deste anuncio no BOE.

Santiago de Compostela, 17 de xaneiro de 2020

Teresa María Gutiérrez López
Directora de Augas de Galicia