Ante este Xurado Provincial de Clasificación de Montes Veciñais en Man Común tramítase o expediente de clasificación do monte coas seguintes características:
Expediente: 2/2018.
Denominación: Penas (ampliación).
Comunidade propietaria: veciños/as da parroquia Penas.
Concello: Monterroso.
Superficie: 4,17 hectáreas.
Na seguinte táboa indícase a referencia catastral da parcela obxecto de clasificación, así como as parcelas estremeiras. O plano que figura no anexo facilita a súa localización.
Referencia catastral |
Estremas |
|
27032A04100103 002500300NH94B |
Norte |
27032A04109012 27032A04100101 27032A04100090 |
Leste |
27032A04100090 27032A04100091 |
|
Sur |
27032A04100106 27032A04100105 |
|
Oeste |
27032A04109016 27032A04100132 |
En virtude do acordado polo xurado na sesión do 8.11.2018 e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común, mediante este anuncio faise pública a iniciación do expediente para a posible clasificación do monte indicado.
Ábrese un período dun mes, contado desde o día seguinte ao da súa publicación, para que os interesados poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Lugo, 17 de febreiro de 2020
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo