No Boletín Oficial da provincia de Pontevedra (BOP) número 19, do mércores 29 de xaneiro de 2020, se publicaron as bases xerais e específicas que regulan a convocatoria de procesos selectivos para cubrir prazas vacantes no Pazo de Congresos e Exposicións de Pontevedra incluídas na oferta de emprego público do ano 2017.

A presidenta do organismo autónomo Pazo de Congresos e Exposicións do Concello de Pontevedra, convocou, mediante a Resolución do 11 de novembro de 2019, o proceso selectivo para a cobertura, pola quenda libre, da praza vacante no citado organismo autónomo incluída na oferta de emprego público do ano 2017, que a continuación se sinala:

– Grupo segundo o artigo 76 do Real decreto lexislativo 5/2015, polo que se aproba o texto refundido da Lei do Estatuto básico do empregado público: agrupación profesional. Clasificación: escala de Administración xeral, subescala subalterna. Número de vacantes: 1. Denominación: subalterno.

O prazo de presentación de instancias será de vinte días naturais contados a partir do día seguinte ao da publicación do presente anuncio no Boletín Oficial del Estado, publicándose os sucesivos anuncios no Boletín Oficial da provincia de Pontevedra e no taboleiro de anuncios do Concello de Pontevedra situada na rúa Michelena, 30 e no taboleiro de anuncios electrónico nos termos establecidos nas bases.

Pontevedra, 29 de xaneiro de 2020

María do Carme Fouces Díaz
Presidenta do organismo autónomo Pazo de Congresos e Exposicións