Vistos os expedientes instruídos para os efectos de transmisión das bateas Fajardo e F.A. I e da concesións administrativas que as amparan, resulta:

a) Antecedentes:

Primeiro. Mediante escritos do 11 de xullo de 2019, Clotilde García Nogueira solicitou autorización para a transmisión mortis causa das concesións administrativas e das bateas Fajardo e F.A. I.

Segundo. A persoa interesada achegou a documentación requirida para a tramitación.

Terceiro. Os informes do Servizo de Protección de Recursos sobre as características das bateas son favorables.

b) Consideracións legais e técnicas:

Primeira. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión mortis causa, a favor de Clotilde García Nogueira (***2264**), Eva María Dopazo García (***6264**) e Pablo Dopazo García (***7692**), das concesións que se indican a seguir:

Identificación:

Tipo: batea.

Nome: Fajardo.

Situación:

Cuadrícula nº: 198.

Polígono: A.

Distrito: Cambados (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 10.10.1980.

Remate da vixencia: 15.12.2029.

Tipo: batea.

Nome: F.A. I.

Situación:

Cuadrícula nº: 28.

Polígono: C.

Distrito: O Grove (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 22.3.1961.

Remate da vixencia: 15.12.2029.

Actuais titulares: Clotilde García Nogueira (***2264**) e José Luis Dopazo Romero (***0634**).

Novos titulares: Clotilde García Nogueira (***2264**), Eva María Dopazo García (***6264**) e Pablo Dopazo García (***7692**).

Os novos titulares das concesións subróganse nos dereitos e obrigas dos anteriores.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 19 de febreiro de 2020

A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo