Visto o expediente instruído para efectos da transmisión mortis causa, mediante pacto de mellora, da batea Gómez II e da concesión administrativa que a ampara, resulta:
a) Antecedentes:
Primeiro. O 15 de xullo de 2019, Enrique Gómez Campaña e Manuela Leonor Figueira Novo solicitaron autorización para a transmisión mortis causa, mediante pacto de mellora, da concesión administrativa e da batea Gómez II.
Segundo. Os solicitantes presentaron toda a documentación requirida para a tramitación deste tipo de procedementos.
Terceiro. Os informes do Servizo de Protección dos Recursos sobre as características da batea e da Dirección Xeral de Pesca, Acuicultura e Innovación Tecnolóxica sobre a tramitación do expediente son favorables.
b) Consideracións legais e técnicas:
Primeira. Este órgano é competente para resolver o expediente, consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. A Lei 2/2006, do 14 xuño, de dereito civil de Galicia (DOG número 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.
Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, esta consellería resolve:
Autorizar a transmisión mortis causa, mediante pacto de mellora, a favor de Xosé Anxo Gómez Figueira da concesión administrativa e da batea que se indica a continuación:
Identificación:
Tipo: batea.
Nome: Gómez II.
Localización:
Cuadrícula nº: 23.
Polígono: E.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión administrativa.
Orde de outorgamento: 8.9.1970.
Remate da vixencia: 15.12.2029.
Actuais titulares: Enrique Gómez Campaña (***5606**) e Manuela Leonor Figueira Novo (***9195**).
Novo titular: Xosé Anxo Gómez Figueira (***7610**).
O novo titular da concesión queda subrogado nos dereitos e obrigas dos anteriores titulares.
Contra a presente resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar ou recurso contencioso-administrativo, ante a xurisdición contencioso-administrativa, que se deberá interpor no prazo de dous meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa. Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da situación da crise sanitaria ocasionada polo COVID-19 e, de ser o caso, as súas prórrogas, contados en ambos os casos desde o día seguinte ao da súa publicación.
A Coruña, 21 de abril de 2020
A conselleira do Mar
P.D. (Orde do 8.9.2017)
O xefe territorial da Coruña
Por delegación de funcións por Resolución do 6.11.2019
María José Cancelo Baquero
Xefa do Servizo de Recursos Mariños