Eu, Paloma Recalde Álvarez, letrada da Administración de xustiza do Xulgado do Social número 2 da Coruña, fago saber que no procedemento ordinario 98/2018 deste xulgado do social, seguido contra a empresa José Blanco Costa y Otros, S.C. (Hotel Sol), sobre ordinario, se ditou a seguinte resolución, cuxa parte dispositiva se achega:

A Coruña, 13 de marzo de 2020.

Lara Munín Sánchez, xuíza substituta do Xulgado do Social número 2 da Coruña, tras ver os presentes autos sobre cantidades, seguidos por instancia de Andreas Stockheim Gómez e María Isabel Gómez Rodríguez, que comparecen representados pola letrada Sra. Muruzábal Pérez, contra a empresa José Blanco Costa y Otros, S.C. e o Fondo de Garantía Salarial, que non comparecen, ditou a seguinte sentenza:

Resolución que estimando a demanda interposta por Andreas Stockheim Gómez e María Isabel Gómez Rodríguez contra a empresa José Blanco Costa e Otros, S.C., condénoa a que lle aboe a cantidade de dous mil trinta e oito euros e corenta e tres céntimos (2.038,43 €) ao Sr. Stockheim e de mil novecentos noventa e dous euros e setenta e dous céntimos (1.992,72 €) á Sra. Gómez, incrementadas ambas as dúas co xuro por mora do 10 %.

Así mesmo, absolvo o Fondo de Garantía Salarial, sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

Notifíquese esta resolución ás partes facéndolles saber que é firme.

Así, por esta sentenza, pronúncioo, mándoo e asínoo.

E para que sirva de notificación en legal forma a José Blanco Costa y Otros, S.C. (Hotel Sol), en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 13 de maio de 2020

A letrada da Administración de xustiza