Visto o expediente instruído para os efectos de outorgamento de autorización para a permuta de puntos de fondeadura entre viveiros, apreciáronse os seguintes:
a) Antecedentes de feito:
Primeiro. Mediante escrito do 24 de febreiro de 2020, Bernardo Álvarez Portela (***9687**) e Cristina Rodríguez Martínez (***1118**) solicitaron permiso para a permuta de puntos de fondeadura entre as bateas denominadas Otero I e Crende I.
Segundo. Os interesados achegaron a documentación requirida para a tramitación neste tipo de procedementos.
Terceiro. No expediente constan os informes técnicos dos viveiros.
b) Fundamentos de dereito:
Primeiro. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segundo. O expediente tramitouse de conformidade co disposto na Lei 30/1992, do 26 de novembro, de réxime xurídico das administracións públicas e do procedemento administrativo común, coas especialidades previstas na Orde do 18 de abril de 2001 pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños (DOG número 83).
Vistos os antecedentes citados, e de acordo cos fundamentos de dereito, esta consellería resolve outorgarlles a Bernardo Álvarez Portela (***9687**) e Cristina Rodríguez Martínez (***1118**) autorización para a permuta de puntos de fondeadura entre as bateas que se indican:
Subtipo: batea.
Nome: Otero I.
Especies: mexillón (M. galloprovincialis).
Localización:
Cuadrícula nº: 15.
Polígono: G.
Distrito: Cangas (Pontevedra).
Titular: Bernardo Álvarez Portela (***9687**).
Remate da vixencia: 15.12.2029.
Subtipo: batea.
Nome: Crende I.
Especies: mexillón (M. galloprovincialis).
Localización:
Cuadrícula nº: 4.
Polígono: C.
Distrito: Redondela (Pontevedra).
Titular: Cristina Rodríguez Martínez (***1118**).
Remate da vixencia: 15.12.2029.
Baixo as seguintes condicións:
Primeira. Como consecuencia da permuta modifícase a localización dos títulos habilitantes, que queda como se indica:
Subtipo: batea.
Nome: Otero I.
Localización:
Cuadrícula nº: 4
Polígono: C.
Distrito: Redondela (Pontevedra).
Remate da vixencia: 15.12.2029.
Subtipo: batea.
Nome: Crende I.
Localización:
Cuadrícula nº: 15.
Polígono: G.
Distrito: Cangas (Pontevedra).
Remate da vixencia: 15.12.2029.
Segunda. As bateas afectadas deberanse adaptar ás condicións dos polígonos de destino.
Terceira. A permuta realizarase no prazo máximo de tres (3) meses contados desde o día seguinte ao da publicación no DOG desta resolución. Unha vez rematado o prazo indicado para a realización da permuta sen que esta se levase a cabo, a autorización quedará sen efecto.
Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da situación da crise sanitaria ocasionada polo COVID-19, e, de ser o caso, as súas prórrogas posteriores.
Cuarta. As bateas contarán coa pertinente autorización dos organismos competentes na materia para o traslado á nova localización.
Quinta. As datas de fondeadura deberán ser comunicadas con antelación suficiente, mediante escrito dirixido á Xefatura Territorial da Consellería do Mar en Vigo, para os efectos de que se realicen baixo a supervisión e o control de persoal técnico do Servizo de Gardacostas de Galicia.
Contra esta resolución, que esgota a vía administrativa, poderase interpoñer con carácter potestativo recurso de reposición, ante a conselleira do Mar, no prazo dun (1) mes, ou recurso contencioso-administrativo, ante o órgano xurisdicional competente, no prazo de dous (2) meses, contados en ambos os casos a partir do día seguinte ao da notificación da resolución, de conformidade co disposto no artigo 116 da Lei 10/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e no artigo 46.1 da Lei 29/1998, do 13 de xullo, da xurisdición contencioso-administrativa. Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da situación da crise sanitaria ocasionada polo COVID-19, e, de ser o caso, as súas prórrogas posteriores.
Vigo, 13 de maio de 2020
A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo