DOG 117 do 16/06/2020 - RESOLUCIÓN do 8 de xuño de 2020, da Dirección Xeral de Xuventude, Participación e Voluntariado, pola que se publican os requirimentos de emenda da documentación das solicitudes presentadas ao abeiro da Orde do 8 de xaneiro de 2020 pola que se regulan as bases das subvencións para entidades de acción voluntaria e entidades locais enmarcadas no programa Voluntariado Sénior, e se procede á súa convocatoria para o ano 2020 (código de procedemento BS508C).

III. Outras disposicións

Consellería de Política Social

RESOLUCIÓN do 8 de xuño de 2020, da Dirección Xeral de Xuventude, Participación e Voluntariado, pola que se publican os requirimentos de emenda da documentación das solicitudes presentadas ao abeiro da Orde do 8 de xaneiro de 2020 pola que se regulan as bases das subvencións para entidades de acción voluntaria e entidades locais enmarcadas no programa Voluntariado Sénior, e se procede á súa convocatoria para o ano 2020 (código de procedemento BS508C).

Con data do 3 de febreiro de 2020 publícase no Diario Oficial de Galicia, número 22, a Orde do 8 de xaneiro de 2020 pola que se regulan as bases das subvencións para entidades de acción voluntaria e entidades locais enmarcadas no programa Voluntariado Sénior, e se procede á súa convocatoria para o ano 2020 (código de procedemento BS508C).

O artigo 7 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.

Así mesmo, no artigo 8 da orde determínase a documentación complementaria necesaria para a tramitación do procedemento.

De conformidade co Acordo do Consello da Xunta de Galicia, do 3 de abril de 2020, de continuación de procedementos de adxudicación de contratos e de concesión de subvencións que estivesen en tramitación no momento de entrada en vigor do Real decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19, publicado por Resolución da Secretaría Xeral Técnica da Consellería de Presidencia, Administracións Públicas e Xustiza da mesma data (DOG número 69 bis, do 8 de abril), concretamente en relación con procedementos de subvencións en que xa se aprobasen e publicasen as correspondentes bases reguladoras e a convocatoria mais non se ditase a resolución de concesión, e logo da valoración favorable do Consello da Xunta de Galicia, do 15 de maio de 2020, a conselleira de Política Social resolveu continuar o expediente de subvencións para entidades de acción voluntaria e entidades locais enmarcadas no programa Voluntariado Sénior.

Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.

O artigo 11 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá a entidade solicitante para que, nun prazo de dez (10) días, emende a falta ou achegue os documentos preceptivos, con indicación de que, se así non o fixer, se considerará que desiste da súa petición, logo de resolución, que deberá ser ditada nos termos previstos no artigo 21 da referida lei.

Así mesmo, o artigo 15 da orde de convocatoria establece que se publicarán no Diario Oficial de Galicia, de conformidade co previsto no artigo 45 da Lei 39/2015, do 1 de outubro, os actos administrativos e as correspondentes resolucións deste procedemento e que esta publicación producirá os efectos de notificación.

Por todo o exposto,

RESOLVO:

1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras. Esta relación figura como anexo desta resolución.

2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.

3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social a través dos teléfonos 981 95 79 20 ou 981 54 69 97

Santiago de Compostela, 8 de xuño de 2020

Cristina Pichel Toimil
Directora xeral de Xuventude, Participación e Voluntariado

ANEXO

Entidades de acción voluntaria e entidades locais enmarcadas no programa Voluntariado Sénior

Nº expediente	Solicitante	NIF da entidade	Documentación requirida
BS508C 2020/007	Concello de Cangas-Oficina Municipal de Voluntariado	P3600800A	• Certificado da persoa secretaria sobre a existencia de crédito suficiente e adecuado (art. 8.1.b). • Certificación de estar ao día nas obrigas coa consellería competente en materia de facenda da Xunta de Galicia (art. 9.1.e).
BS508C 2020/013	Asociación Integro para a Diversidade Funcional das Comarcas de Bergantiños, Terra de Soneira e Fisterra	G15173263	• Anexo I asinado.
BS508C 2020/016	Concello de Moaña	P3602900G	• Proxecto de actividades (art. 8.1.a). • Certificado da persoa secretaria sobre a existencia de crédito suficiente e adecuado (art. 8.1.b).
BS508C 2020/017	Asociación Cultural Galega de Formación Permanente de Adultos, Ategal	G15496607	• Proxecto de actividades (art. 8.1.a): concordancia do número de días das persoas voluntarias co indicado no anexo I.
BS508C 2020/018	Concello de Vedra	P1509000D	• Certificado da persoa secretaria sobre a existencia de crédito suficiente e adecuado (art. 8.1.b). • Anexo I: número de persoas beneficiarias acorde co proxecto presentado.
BS508C 2020/019	Asociación Medioambiental Amabul	G15925209	• Proxecto de actividades (art. 8.1.a): cuantificar o número de persoas beneficiarias.
BS508C 2020/021	Natural Ardai, Terapia, Ocio y Formación	G32456097	• Anexo I: número de persoas beneficiarias. • Proxecto de actividades (art. 8.1.a): número de persoas beneficiarias.
BS508C 2020/023	Concello de Lalín	P3602400H	• Acreditación fidedigna da persoa representante legal da entidade (art. 9.1.a). • Certificado da persoa secretaria sobre a existencia de crédito suficiente e adecuado (art. 8.1.b). • Anexo I ou proxecto de actividades: concordancia do número de persoas beneficiarias.
BS508C 2020/024	Concello de Monterrei	P3205100E	• Anexo I: revisar o número de persoas beneficiarias, concordancia da data inicio e da data de fin acorde co indicado no proxecto de actividades.
BS508C 2020/026	Concello de Val do Dubra	P1508900F	• Certificado da persoa secretaria sobre a existencia de crédito suficiente e adecuado (art. 8.1.b). • Proxecto de actividades (art. 8.1.a): cuantificar o número de persoas beneficiarias. • Anexo I: número de persoas beneficiarias, revisar a información en «datos das persoas voluntarias» e en «partes do orzamento» para que sexan acordes co proxecto presentado.
BS508C 2020/028	Concello de Mondoñedo	P2703000F	• Proxecto de actividades (art. 8.1.a): revisar a data de inicio indicada nos puntos 4 e 7. • Anexo I: modificar, se é preciso, a data de inicio acorde cos cambios no proxecto presentado. • Certificación de estar ao día nas obrigas coa consellería competente en materia de facenda da Xunta de Galicia (art. 9.1.e).
BS508C 2020/029	Asociación Protectora de Animais Os Biosbardos	G27753268	• Acreditación fidedigna da persoa representante legal da entidade. • Proxecto de actividades (art. 8.1.a): cuantificar o número de persoas beneficiarias.
BS508C 2020/032	Concello de Cervo	P2701300B	• Certificado da persoa secretaria sobre a existencia de crédito suficiente e adecuado (art. 8.1.b). • Proxecto de actividades (art. 8.1.a): cuantificar o número de persoas beneficiarias • Anexo I: revisar as áreas e sectores de poboación para que estean acordes co proxecto presentado.
BS508C 2020/033	Concello de Cabana de Bergantiños	P1501400D	• Certificado da persoa secretaria sobre a existencia de crédito suficiente e adecuado (art. 8.1.b). • Anexo I ou proxecto de actividades: concordancia na data de fin de proxecto. • Certificación de estar ao día nas obrigas coa consellería competente en materia de facenda da Xunta de Galicia (art. 9.1.e).
BS508C 2020/034	Concello de Viveiro (Oficina Municipal de Voluntariado)	P2706700H	• Certificado da persoa secretaria sobre a existencia de crédito suficiente e adecuado (art. 8.1.b). • Anexo I: número de persoas beneficiarias acorde co proxecto. • Anexo I ou proxecto de actividades: concordancia na data de inicio e fin de proxecto.
BS508C 2020/036	Concello de Mos	P3603300I	• Certificado da persoa secretaria sobre a existencia de crédito suficiente e adecuado (art. 8.1.b). • Anexo I: número de persoas beneficiarias acorde co proxecto.
BS508C 2020/037	Concello da Veiga	P3208400F	• Certificado da persoa secretaria sobre a existencia de crédito suficiente e adecuado (art. 8.1.b). • Certificación de estar ao día nas obrigas coa Axencia Estatal da Administración Tributaria (art. 9.1.c).
BS508C 2020/038	Concello de Irixoa	P1504000I	• Proxecto de actividades (art. 8.1.a): cuantificar o número de persoas beneficiarias. • Anexo I: modificar o orzamento solicitado, o número de días en «datos das persoas voluntarias» e revisar o número de teléfono en «datos da entidade solicitante» e «datos da persoa de contacto».
BS508C 2020/040	Asociación Socio Cultural ASCM	G15161573	• Anexo I: número de persoas beneficiarias acorde co proxecto.
BS508C 2020/041	Concello de Lugo/Oficina Municipal de Voluntariado	P2702800J	• Certificado da persoa secretaria sobre a existencia de crédito suficiente e adecuado (art. 8.1.b). • Certificación de estar ao día nas obrigas coa Axencia Estatal da Administración Tributaria (art. 9.1.c). • Certificación de estar ao día nas obrigas coa Tesouraría Xeral da Seguridade Social (art. 9.1.d).
BS508C 2020/043	Concello de Sarria	P2705700I	• Certificado da persoa secretaria sobre a existencia de crédito suficiente e adecuado (art. 8.1.b). • Proxecto de actividades (art. 8.1.a): indicar unha denominación para o proxecto, cuantificar o número de persoas beneficiarias e revisar a data de inicio de proxecto indicada nas páxinas 4 e 9. • Anexo I: número de persoas beneficiarias acorde ao proxecto. • Certificación de estar ao día nas obrigas coa Axencia Estatal da Administración Tributaria (art. 9.1.c).
BS508C 2020/044	Fundación Banco Farmacéutico de Galicia	G70558887	• Proxecto de actividades (art. 8.1.a): orzamento solicitado consonte o art. 6.4 da orde de convocatoria e quen asume a diferenza co orzamento total. • Anexo I: orzamento solicitado consonte o art. 6.4.
BS508C 2020/045	Concello do Porriño	P3603900F	• Proxecto de actividades (art. 8.1.a): cuantificar o número de persoas beneficiarias.
BS508C 2020/046	Asociación Raíña Paraíso	G70461009	• Proxecto de actividades (art. 8.1.a): número de persoas beneficiarias, orzamento solicitado consonte o art. 6.4 da orde de convocatoria e quen asume a diferenza co orzamento total. • Anexo I: revisar o número de persoas beneficiarias, completar a información en «datos da persoa de contacto» e en «partes do orzamento» indicar o orzamento total acorde co proxecto.
BS508C 2020/047	Asociación Ecos do Sur	G15354483	• Anexo I: orzamento solicitado consonte o art. 6.4 da orde de convocatoria, «partes do orzamento» e o número de persoas beneficiarias acorde co proxecto presentado.
BS508C 2020/048	Federación de Centros Xuvenís Don Bosco de Galicia	G15450828	• Acreditación fidedigna da persoa representante legal da entidade (art. 9.1.a).
BS508C 2020/049	Fundación Amigos de la Barrera	G32321978	• Anexo I: número de persoas voluntarias consonte o art. 2.4 da orde, o que implica revisar «datos das persoas voluntarias», «partes do orzamento» e o orzamento solicitado; adecuar as áreas de actuación ao proxecto presentado. • Proxecto de actividades (art. 8.1.a): indicar o número de persoas voluntarias, revisar o orzamento e indicar as funcións/tarefas das persoas voluntarias no proxecto.
BS508C 2020/050	Fundación Eduardo Pondal	G70262951	• Acreditación fidedigna da persoa representante legal da entidade (art. 9.1.a). • Anexo I: número de persoas beneficiarias acorde co proxecto. • Certificación de estar ao día nas obrigas coa Axencia Estatal da Administración Tributaria (art. 9.1.c).