Para os efectos previstos no Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro) e no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro) faise público que:
Por espazo de 30 días hábiles, contados a partir do seguinte ao da publicación deste anuncio no Diario Oficial de Galicia, quedará exposta a documentación presentada polo titular no procedemento 2018-IPPC-M-115 de modificación substancial da autorización ambiental integrada co número de rexistro 2007/0081_NAA/IPPC_143, para que calquera persoa interesada poida consultala e, de ser o caso, presentar dentro do citado prazo as alegacións, suxestións ou observacións que considere convenientes. Esta modificación resúmese no anexo deste anuncio.
A documentación estará á disposición das persoas administradas nas dependencias da Dirección Xeral de Calidade Ambiental e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/→medio ambiente e sostibilidade→prevención e control de actividades→autorización ambiental integrada→proxectos en información pública).
Santiago de Compostela, 15 de xuño de 2020
María Cruz Ferreira Costa
Directora xeral de Calidade Ambiental e Cambio Climático
ANEXO
Expediente da modificación substancial: 2018-IPPC-M-115.
Núm. da autorización ambiental integrada: 2007/0081_NAA/IPPC_143.
Titular: Cooperativas Orensanas, S.C.G. (Coren).
Enderezo da instalación: Centro de Procesado Avícola (CPA), 32990 Santa Cruz de Arrabaldo, Ourense.
Resumo da modificación: a modificación consistirá basicamente nas instalacións necesarias para unha caldeira de xeración de vapor que empregará como combustible a galiñaza procedente das granxas do grupo Coren (caldeira Binder). Esta nova caldeira, compartirá algunhas instalacións e elementos auxiliares coa caldeira Reba do CPA, que tamén se dedica á produción de vapor empregando o mesmo tipo de combustible. A nova caldeira terá unha produción de vapor de 7.000 kg/h a 12 bares de presión. O vapor xerado subministrarase aos diferentes procesos do CPA.
Verteduras: durante a fase de explotación desta caldeira, non se xerarán augas residuais e os únicos efluentes xerados serán os procedentes da limpeza puntual, do mantemento preventivo e das purgas da caldeira. Estes efluentes dirixiranse á EDAR do CPA.