Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 135 Mércores, 8 de xullo de 2020 Páx. 27221

IV. Oposicións e concursos

Servizo Galego de Saúde

ANUNCIO do 30 de xuño de 2020, da Xerencia da Área Sanitaria de Ourense, Verín e O Barco de Valdeorras, polo que se dá publicidade da resolución da mesma data pola que se convoca o procedemento de mobilidade interna voluntaria na categoría de enfermeiro/a especialista de Saúde Mental do Complexo Hospitalario Universitario de Ourense.

De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e con base nos criterios reitores aprobados en Mesa Sectorial de Sanidade pola Administración sanitaria e as organizacións sindicais con representación nas institucións sanitarias do Servizo Galego de Saúde, do 29 de decembro de 2009, modificados mediante o Acordo do 31 de xaneiro de 2014, así como no Acordo de bases aprobado en Comisión de Centro o 25 de marzo de 2011; e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e na Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos do Servizo Galego de Saúde,

RESOLVE:

Primeiro. Anunciar a convocatoria do procedemento de mobilidade interna voluntaria na categoría de enfermeiro/a especialista de Saúde Mental do Complexo Hospitalario Universitario de Ourense.

Segundo. As solicitudes para participar nesta convocatoria deberanse presentar nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de vinte (20) días hábiles contados desde o seguinte ao da data da publicación do anuncio desta convocatoria no Diario Oficial de Galicia.

Así mesmo, poderanse presentar a través de calquera dos rexistros previstos no artigo 16 da Lei 39/2015, do 1 de outubro, do procedemento administrativo común das administracións públicas.

Terceiro. As bases íntegras da citada convocatoria estarán expostas nos taboleiros de anuncios do Hospital Universitario de Ourense e na intranet da Xerencia da Área Sanitaria de Ourense, Verín e O Barco de Valdeorras.

Ourense, 30 de xuño de 2020

Félix Rubial Bernárdez
Xerente da Área Sanitaria de Ourense,
Verín e O Barco de Valdeorras