BDNS (Identif.): 493451.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:
(http://pap.minhap.gob.es/bdnstrans/index).
Primeiro. Datas de desenvolvemento do programa
1. Na anualidade 2020, o programa desenvolverase entre o 15 de setembro de 2020 e o 30 de novembro de 2020 para todas as modalidades e colectivos.
2. No que respecta á anualidade 2021, o programa executarase entre o 10 de marzo e o 30 de novembro de 2021 por quendas que agrupen as persoas beneficiarias por modalidade e colectivo coa excepción do período comprendido entre o 21 de xuño e o 10 de setembro e os períodos de Semana Santa, pontes ou festivos.
Segundo. Contía da subvención e financiamento das actividades subvencionadas
1. Na anualidade 2020, a contía da axuda, a cargo da Axencia Turismo de Galicia, será variable atendendo a tempada de desfrute e modalidade do programa mentres que o prezo, a cargo das persoas beneficiarias (IVE incluído), será fixo atendendo a modalidade do programa sen distinción entre tempadas de desfrute.
O prezo fixo que deben pagar os usuarios é o correspondente á tempada baixa establecido na Resolución do 21 de xaneiro de 2020 pola que se establecen as bases reguladoras para a concesión de prazas para o programa de turismo interior Elixe Galicia de estadías de ocio para a mocidade, familias e maiores, e se procede á súa convocatoria para os anos 2020 e 2021:
Usuarios |
||||
Tempada |
Vacacións en zonas costeiras |
Rutas de patrimonio histórico e cultural |
Rutas de natureza e montaña |
Estadías en balnearios |
Tempada |
144 € |
117 € |
117 € |
198 € |
2. Polo que respecta á anualidade 2021, a contía da axuda, a cargo da Axencia Turismo de Galicia, será variable atendendo a tempada de desfrute e modalidade do programa mentres que o prezo, a cargo das persoas beneficiarias (IVE incluído), será fixo atendendo a modalidade do programa sen distinción entre tempadas de desfrute.
O prezo fixo que deben pagar os usuarios é o establecido para a tempada media na Resolución do 21 de xaneiro de 2020 pola que se establecen as bases reguladoras para a concesión de prazas para o programa de turismo interior Elixe Galicia de estadías de ocio para a mocidade, familias e maiores, e se procede á súa convocatoria para os anos 2020 e 2021:
Usuarios |
||||
Tempada |
Vacacións en zonas costeiras |
Rutas de patrimonio histórico e cultural |
Rutas de natureza e montaña |
Estadías en balnearios |
Tempada |
180 € |
129 € |
129 € |
222 € |
Terceiro. Prazo de presentación de solicitudes para a tempada do ano 2021
As solicitudes presentaranse entre o 1 de outubro e o 1 de novembro de 2020 nas axencias comercializadoras do programa que teñan asinado o correspondente contrato coa empresa adxudicataria do contrato.
Santiago de Compostela, 15 de xullo de 2020
O/a director/a da Axencia Turismo de Galicia
P.S. (Artigo 19.6 do Decreto 196/2012, do 27 de setembro)
Mª Elena Barca Ramos
Xerente da Axencia Turismo de Galicia