Aprobada inicialmente a modificación puntual número 6 do Plan xeral de ordenación municipal do Concello da Guarda, por Acordo do Pleno do 29 de maio de 2020, de conformidade co artigo 60 da Lei 2/2016, do 10 de febreiro, do solo de Galicia, sométese a información pública polo prazo de dous (2) meses contado desde o día seguinte ao da última publicación do presente anuncio no Diario Oficial de Galicia e no Faro de Vigo e Atlántico Diario.
Durante o devandito prazo poderá ser examinado por calquera interesado nas dependencias municipais, para que se formulen as alegacións que se coiden pertinentes ou obter copias. Así mesmo, estará á disposición na sede electrónica deste concello (http://aguarda.sedelectronica.gal).
Por canto a modificación puntual que se está a tramitar afecta unicamente unha parcela catastral que está afectada integramente pola ampliación de viario público previsto no planeamento, non se considera necesario determinar un ámbito de suspensión de licenzas.
A Guarda, 3 de xuño de 2020
Antonio Lomba Baz
Alcalde