En cumprimento do disposto no artigo 13 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais se acordou depositar a modificación de estatutos da Asociación Gallega de la Construcción (Agalco), pola que pasa do ámbito territorial da provincia de Pontevedra ao da Comunidade Autónoma de Galicia (https://expinterweb.mitramiss.gob.es/deose/publico/copiaEstatutos).
– Ámbito territorial: Comunidade Autónoma de Galicia.
– Ámbito funcional: poderán pertencer á asociación todas as empresas que realicen a súa actividade no sector da construción entendida en sentido amplo e incluíndo todos os sectores conexos.
Asinantes: Antonio Heredero e Salvador García.
Santiago de Compostela, 30 de xullo de 2020
Covadonga Toca Carús
Secretaria xeral de Emprego