De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, segundo a cal esta notificación ten que ser feita no Boletín Oficial del Estado (BOE) e a súa data de publicación é a que determina a eficacia do acto notificado, logo de intentada sen éxito a notificación á persoa titular do NIF 35321613F nos intentos efectuados no seu enderezo, comunicámoslle que o 15 de xullo de 2020 se resolveu declarar o reintegro da axuda indebidamente percibida no expediente 0040/36/2009/000213/01 pola cantidade de 79,56 €.
De encontrarse conforme coa liquidación que se lle formula, pode vostede efectuar o pagamento da débeda mediante transferencia á conta corrente da entidade financeira Abanca número ES72 2080 5355 6531 1004 2831, dentro dos seguintes prazos (artigo 62 da Lei xeral tributaria):
a) Se esta publicación se realiza entre os días 1 y 15 de cada mes, desde a dita data ata o día 20 do mes posterior ou, se este non for hábil, ata o inmediato día hábil seguinte.
b) Se esta publicación se realiza entre os días 16 e último de cada mes, desde a dita data ata o día 5 do segundo mes posterior ou, se este non for hábil, ata o inmediato día hábil seguinte.
Contra a resolución do expediente de referencia, que pon fin á vía administrativa, a entidade interesada poderá interpor recurso potestativo de reposición, ante a Consellería do Medio Rural, no prazo dun mes, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente formular recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous (2) meses, de acordo cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa, contados ambos a partir do día seguinte ao da notificación da resolución, sen prexuízo de que poida exercer calquera outro recurso que considere pertinente.
Esgotado o prazo voluntario de ingreso sen que se efectuase o pagamento da débeda, iniciarase o procedemento de recadación na vía de constrinximento ante a Axencia Tributaria, de acordo coa normativa vixente.
O expediente está, en todo caso, á disposición do interesado, por un prazo de quince (15) días contados desde a publicación deste anuncio, no Fondo Galego de Garantía Agraria (Fogga), na rúa dos Irmandiños, s/n, Salgueiriños, 15781 Santiago de Compostela, das 9.00 ás 14.00 horas, de luns a venres.
Santiago de Compostela, 13 de agosto de 2020
O director do Fondo Galego de Garantía Agraria
P.S. (Resolución do 9.6.2020)
Marta Forés Lojo
Secretaria do Fondo Galego de Garantía Agraria
ANEXO
Expediente: 0040/36/2009/000213/01.
NIF da persoa interesada: 35321613F.
Acto de notificación: resolución de liquidación complementaria do proceso de reintegro do expediente 0040/36/2009/000213/01.
