De conformidade co artigo 134 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas (BOE núm. 257, do 26 de outubro), sométese ao trámite de información pública o proxecto de construción de estabilización da praia da Pescadoira en Bueu e a análise ambiental do proxecto do estudo sobre o basculamento e proposta de actuación na praia da Pescadoira no porto de Bueu.
Durante o prazo de trinta (30) días hábiles, contado desde o día seguinte ao da publicación deste anuncio no Diario Oficial de Galicia, a documentación estará dispoñible ao público para a súa consulta nos servizos centrais da entidade pública empresarial Portos de Galicia (praza de Europa, 5 A, 6º, Área Central, polígono das Fontiñas, 15707 Santiago de Compostela) e na Zona Sur de Portos de Galicia (rúa Víctor Said Armesto, 11º, 36002 Pontevedra), das 9.00 ás 14.00 horas, de luns a venres.
Ademais, poderán acceder a este expediente na páxina web de Portos de Galicia:
http://www.portosdegalicia.gal/es/web/portos-de-galicia/procesos_informacion_publica
Durante o prazo indicado poderán formular as alegacións, suxestións ou observacións que xulguen oportunas ante este órgano administrativo, presentándoas en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 27 de xullo de 2020
Susana Lenguas Gil
Presidenta de Portos de Galicia