En virtude do establecido nos artigos 4.13º e 34.2º da Lei 1/1983, do 22 de febreiro, de normas reguladoras da Xunta e da súa Presidencia, e 28 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e unha vez presentada o pasado 6 de setembro renuncia expresa da titular do posto de secretaria xeral técnica da Consellería do Medio Rural con motivo de pasar a desempeñar o cargo de conselleira de Emprego e Igualdade, por proposta do conselleiro do Medio Rural, e logo de deliberación do Consello da Xunta de Galicia, na súa reunión do día dez de setembro de dous mil vinte,

DISPOÑO:

Que cese, por pase a outro destino, María Jesús Lorenzana Somoza como secretaria xeral técnica da Consellería do Medio Rural, agradecéndolle os servizos prestados.

O cesamento terá efectos do día 6 de setembro de 2020.

Santiago de Compostela, dez de setembro de dous mil vinte

Alberto Núñez Feijóo
Presidente

José González Vázquez
Conselleiro do Medio Rural