Consonte o establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), publícase no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único. Dar publicidade dos convenios subscritos pola Consellería de Infraestruturas e Mobilidade no segundo cuadrimestre do ano 2020, que se incorporan como anexo a esta resolución.
Santiago de Compostela, 15 de setembro de 2020
Joaquín Macho Canales
Secretario xeral técnico da Consellería de Infraestruturas e Mobilidade
ANEXO
Convenios de colaboración subscritos pola Consellería de Infraestruturas
e Mobilidade no segundo cuadrimestre de 2020
Descrición |
Data de sinatura |
Importe |
Convenio de colaboración entre a Consellería de Infraestruturas e Mobilidade da Xunta de Galicia e o Concello de Barbadás, para o establecemento de accións de promoción da utilización do transporte público no concello de Barbadás. |
26.6.2020 |
|
Addenda ao convenio de colaboración asinado entre a Xunta de Galicia e o Concello de Arteixo, con data do 29 de abril de 2019, para a implantación dun servizo de interese municipal no concello de Arteixo dentro do marco do Convenio de transporte metropolitano da Área de transporte metropolitano da Coruña. |
10.7.2020 |
|
Addenda modificativa ao convenio subscrito o día 31 de maio de 2018 entre a Consellería de Infraestruturas e Vivenda da Xunta de Galicia, o Concello de Vigo e a Entidade Pública Empresarial Adif-Alta Velocidad, para a execución dos accesos e nova vialidade urbana da contorna da estación intermodal de Vigo. |
3.8.2020 |
3.414.464,60 € |