Ao non ser posible a notificación aos titulares catastrais que se relacionan a continuación por causas non imputables a esta Administración e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase este anuncio para que sirva de notificación aos interesados co fin de que no prazo de quince (15) días naturais, que comezarán a contarse desde o día seguinte ao da publicación deste anuncio no Boletín Oficial del Estado, procedan á xestión da biomasa segundo o establecido nos artigos 21 e seguintes da Lei 3/2007, do 9 de abril, de prevención e defensa contra os incendios forestais de Galicia, así como á retirada de especies arbóreas prohibidas a que se refire a dita lei.

Así mesmo, infórmase aos responsables que o contido íntegro da citada notificación, así como a totalidade do expediente administrativo, está á súa disposición nas oficinas municipais do Concello de Esgos e na sede electrónica desta entidade http://concelloesgos.sedelectronica.gal

Esgos, 1 de outubro de 2020

Mario Rodríguez González
Alcalde