Convocada mediante a Resolución do 17 de agosto de 2020 (DOG núm. 173, do 27 de agosto) a provisión dun posto de xefe/a de grupo de persoal de xestión e servizos de atención primaria da Área Sanitaria de Santiago de Compostela e Barbanza, esta xerencia, en virtude das competencias atribuídas polo Decreto 137/2019, do 10 de outubro, polo que se establece a estrutura orgánica do Servizo Galego de Saúde; a Orde do 22 de abril de 2020 (DOG núm. 82, do 29 de abril) de delegación de competencias en órganos centrais e periféricos da Consellería de Sanidade e do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,
RESOLVE:
Declarar deserta a convocatoria pública para a provisión, polo procedemento de concurso de méritos, dun posto de xefe/a de grupo de persoal de xestión e servizos de atención primaria, realizada mediante a Resolución do 17 de agosto de 2020 (DOG núm. 173, do 27 de agosto), por falta de candidatos/as a participar na dita convocatoria.
Contra esta resolución poderase interpoñer, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación no Diario Oficial de Galicia.
Santiago de Compostela, 20 de outubro de 2020
Eloína Núñez Masid
Xerente da Área Sanitaria de Santiago de Compostela e Barbanza