No Boletín Oficial da provincia de Pontevedra (BOP) número 204 do xoves 22 de outubro de 2020, publicáronse as bases xerais e específicas que rexen a convocatoria para o acceso a unha praza de cabo do Servizo de Extinción de Incendios incluída na OEP do ano 2020.

A concelleira delegada do Servizo de Persoal e Cultura convocou, mediante a Resolución do 8 de outubro de 2020, o proceso selectivo, pola quenda de promoción interna, para a cobertura dunha praza vacante do Concello de Pontevedra incluída na oferta de emprego público do ano 2020, que a continuación se sinala:

– Grupo segundo o artigo 76 do Real decreto lexislativo 5/2015, polo que se aproba o texto refundido da Lei do estatuto básico do empregado público: C. Subgrupo C2. Clasificación: escala de Administración especial, subescala servizos especiais, clase servizo extinción incendios. Número de vacantes: 1. Denominación: cabo, mediante promoción interna.

O prazo de presentación de instancias será de vinte (20) días naturais contados a partir do día seguinte ao da publicación do presente anuncio no Boletín Oficial del Estado, publicándose os sucesivos anuncios no Boletín Oficial da provincia de Pontevedra e no taboleiro de edictos da corporación nos termos establecidos nas bases.

Pontevedra, 22 de outubro de 2020

O alcalde
P.D. (Acordo da Xunta de Goberno Local do 15.6.2019)
María del Carmen Fouces Díaz
Concelleira delegada do Servizo de Persoal e Cultura