De acordo co disposto no artigo 6.2 da Lei 13/2006, do 27 de decembro, de horarios comerciais de Galicia, dáse publicidade dos cambios producidos na Orde do 2 de outubro de 2020 como consecuencia da Resolución do 25 de novembro pola que se modifican os domingos e días festivos hábiles comercialmente para o concello de Ferrol, logo da correspondente solicitude do respectivo concello.
Os domingos e festivos nos cales os establecementos comerciais poderán permanecer abertos ao público no concello de Ferrol durante o ano 2021 son:
– 3 de xaneiro.
– 7 de xaneiro.
– 1 de abril.
– 31 de outubro.
– 28 de novembro.
– 5 de decembro.
– 8 de decembro.
– 12 de decembro.
– 19 de decembro.
– 26 de decembro.
Para os restantes concellos comprendidos no ámbito de aplicación da dita Lei 13/2006, do 27 de decembro, de horarios comerciais de Galicia, rexerá o disposto na Orde do 2 de outubro de 2020 (DOG do 13 de outubro).
Santiago de Compostela, 27 de novembro de 2020
O vicepresidente segundo e conselleiro de Economía, Empresa e Innovación
P.D. (Orde do 10.6.2016; DOG núm. 131/2016)
Pablo Casal Espido
Secretario xeral técnico da Vicepresidencia segunda
e Consellería de Economía, Empresa e Innovación