Familia, garda, custodia, alimentos fillo menor non matrimonial non consensuado 1268/2019
Sobre divorcio contencioso
Demandante: Cinda Nely Bautista Ramírez
Procurador: Óscar Pérez Goris
Avogado: Francisco Javier Seijo Iglesias
Demandado: Freddy Cueto Loaiza
No procedemento de referencia ditouse a resolución cuxo encabezamento e resolución é o seguinte:
«Sentenza número 338/2020
Santiago de Compostela, 17 de novembro de 2020.
Vistos por min, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial, o presente xuízo verbal número 1268/2019 promovido polo procurador Sr. Pérez Goris, en nome e representación de Cinda Nely Bautista Ramírez, maior de idade, asistida do letrado Sr. Seijo Iglesias, fronte a Freddy Cueto Loaiza, maior de idade, sinalado en autos, declarado en rebeldía procesual, con intervención da representante do Ministerio Fiscal.
...
Decido que, estimando substancialmente a demanda de xuízo verbal deducida polo procurador Sr. Pérez Goris, en nome e representación de Cinda Nely Bautista Ramírez, maior de idade, asistida do letrado Sr. Seijo Iglesias, fronte a Freddy Cueto Loaiza, maior de idade, sinalado en autos, declarado en rebeldía procesual, con intervención da representante do Ministerio Fiscal, procede acordar:
1º. A atribución á demandante do exercicio exclusivo da patria potestade sobre a menor ata a maioría de idade da filla común en cuestións médicas, sanitarias, educativas, incluídas excursións e campamentos, saídas de territorio estatal, renovación do pasaporte e DNI, cambios de domicilio e empadroamento e demais cuestións análogas.
2º. A atribución á demandante da garda e custodia sobre a menor.
3º. O recoñecemento ao demandado do réxime de estadías e comunicación descrito na demanda.
4º. A fixación a cargo do demandado a favor da menor dunha pensión de alimentos de 200 euros/mes, que se pagarán por adiantado, dentro dos cinco primeiros días de cada mes mediante ingreso na conta bancaria que designe a miña representada, e que se actualizará anualmente a partir do mes de xaneiro do ano seguinte á sentenza, de conformidade coas variacións porcentuais que experimente o índice de prezos de consumo que elabore o Instituto Nacional de Estatística ou organismo que o substitúa.
5º. Os gastos extraordinarios, entendéndose como tales os gastos médicos, sanitarios e educativos, material escolar, libros e matrícula, así como todas as actividades extraescolares, deportivas ou lúdicas a que acuda a menor, serán sufragados por ambas as partes por metade.
Cando se prevexa realizar un gasto de anómala contía, deberá anticiparse ao proxenitor non custodio a necesidade de realizar o gasto e o seu orzamento (salvo supostos de urxencia). Se non se obtivese a conformidade explícita, deberá acudirse ao xulgado para que se ditamine sobre o carácter do gasto e, no seu caso, a obriga dos proxenitores de sufragalo na porcentaxe establecida.
Non procede efectuar especial pronunciamento sobre as costas do presente proceso.
Esta resolución non é firme e fronte a esta cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial da Coruña (arts. 458 ss. e 776 Lei de axuizamento civil), logo de consignación do depósito de 50 euros previsto na disposición adicional décimo quinta da LOPJ.
Así, por esta miña sentenza, pronúncioo, mándoo e asínoo, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial.
Publicación. Lida e publicada a anterior resolución en audiencia pública polo xuíz que a ditou, no día da data, dou fe».
E como consecuencia do ignorado paradoiro do demandado Freddy Cueto Loaiza, expídese o presente edicto para que sirva de cédula de notificación a través da súa publicación no boletín oficial.
Santiago de Compostela, 18 de novembro de 2020
O/a letrado/a da Administración de xustiza
