O 17 de xullo de 2020 foi publicado no Diario Oficial de Galicia nº 142, anuncio no que se convoca o concurso de traslados 1/2020, do persoal do Cixtec para a provisión das prazas de xefe de Unidade de Informática da Xefatura Territorial de Lugo e de xefe de Unidade de Informática da Xefatura Territorial da Coruña (grupo II, categoría 27/grupo III, categoría 30).
De acordo co establecido nas bases da convocatoria, o director do Cixtec, á vista da proposta feita pola Comisión de Valoración constituída para o efecto, ditou resolución que se publicou no taboleiro de anuncios, na que figurou a relación de admitidos e excluídos.
Rematado o prazo de presentación de instancias, presentáronse os seguintes candidatos:
1. Praza de xefe de unidade (Lugo).
|
Apelidos |
Nome |
|
Otero Vázquez |
Miguel Ángel |
2. Praza de xefe de unidade (A Coruña).
|
Apelidos |
Nome |
|
Chouciño Garrido |
Enrique Antón |
Recibidas as solicitudes publicáronse as listas provisionais de admitidos e excluídos, resultaron excluídos os dous candidatos presentados por non cumprir os requirimentos da convocatoria (pertenza ao grupo e categoría profesional exixida).
Dentro do prazo conferido non se recibiu ningún escrito de alegación ás listas provisionais.
Unha vez vistas as solicitudes achegadas, e en virtude do establecido no artigo 7.2.f) do Decreto 361/1998, de 4 de setembro, que establece como competencias do director do Cixtec, entre outras, a de exercer a dirección administrativa e de persoal,
RESOLVO:
Declarar deserto o concurso de traslados 1/2020, tanto para a praza de xefe de Unidade de Informática da Delegación Territorial de Lugo, como para a praza de xefe de Unidade de Informática da Delegación Territorial da Coruña.
Contra a presente resolución que pon fin á vía administrativa, poderase interpoñer, potestativamente recurso de reposición, ou ben acudir directamente, no prazo de 2 meses, á vía xurisdicional social segundo o disposto no artigo 69 da Lei 36/2011, de 10 de outubro, reguladora da xurisdición social (redacción dada pola disposición derradeira terceira da Lei 39/2015, do 1 de outubro, do procedemento administrativo común das administracións públicas).
Santiago de Compostela, 27 de novembro de 2020
Víctor Coladas Bilbao
Director do Centro Informático para a Xestión Triburaria,
Económico-Financeira e Contable
